Pakistanda Azərbaycanla bağlı sərgi keçirildi

Pakistanda Azərbaycanla bağlı  sərgi keçirildi
27 noyabr 2021
# 10:10

Azərbaycanın Pakistandakı səfirliyi və Pakistan-Azərbaycan Tələbə Assosiasiyasının birgə təşkilatçılığı ilə COMSATS universitetində Azərbaycanın Vətən müharibəsinə həsr olunan “Azərbaycan – Tarix və Qələbə” adlı sərgi təşkil olunub.

Kulis.az xəbər verir ki, sərginin açılış mərasimində Azərbaycanın Pakistandakı səfiri Xəzər Fərhadov, Pakistan - Azərbaycan Tələbə Assosiasiyasının üzvləri, universitet rəhbərliyi və tələbələri, eləcə də ictimaiyyət və kütləvi informasiya nümayəndələri iştirak ediblər.

Sərgidə 30 il boyunca erməni vandalizminə məruz qalmış Azərbaycan torpaqlarının indiki vəziyyəti, 27 sentyabr 2020-ci ildən başlayaraq Ermənistanın Azərbaycana təcavüzü və mülki əhaliyə qarşı məqsədli raket hücumları nəticəsində Gəncə, Bərdə, Tərtər və digər yaşayış məskənlərində həmvətənlərimizin həlak olması, eləcə də infrastruktura dəyən zərərlə bağlı fotoşəkillər yer alıb.

Orada Ali Baş Komandan İlham Əliyevin rəhbərliyi altında Silahlı Qüvvələrimizin, əsgər və zabitlərimizin qanı bahasına torpaqlarımızın erməni işğalından azad olunmasını, Azərbaycanın ərazi bütövlüyü uğrunda döyüşlərdə həyatını qurban verən əsgər və zabitlərimizə, qətlə yetirilən mülki vətəndaşlara və itkin düşmüş soydaşlarımıza ehtiram əlaməti olaraq Bakı şəhərində təşkil olunmuş yürüşü, işğaldan azad edilmiş ərazilərdə Azərbaycan tərəfindən aparılan bərpa və quruculuq işlərini, eləcə də Vətən müharibəsi dövründə Pakistan tərəfindən Azərbaycana göstərilən dəstəyin nəticəsi olaraq ölkəmizdə Pakistan bayraqlarının dalğalandığını əks etdirən fotoşəkillər də nümayiş etdirilib.

Sərginin açılışından sonra çıxış edən səfir Xəzər Fərhadov erməni vəhşiliyinə məruz qalan Azərbaycan əraziləri, 44 günlük Vətən müharibəsi, həmçinin Azərbaycan və Pakistan arasındakı münasibətlər barədə geniş məlumatları iştirakçıların diqqətinə çatdırıb. X.Fərhadov Vətən müharibəsi dövründə Pakistanın ölkəmizə göstərdiyi siyasi və mənəvi dəstəyə görə bu ölkənin hökumətinə və xalqına təşəkkürünü bildirib.

Sərgidə COMSATS universitetinin nümayəndələri Sajjad Əhməd Mədni və Vajeha Ənvər çıxış edərək Azərbaycan–Pakistan arasındakı səmimi münasibətlərdən söhbət açıb, Vətən müharibəsindəki Qələbə münasibətilə Azərbaycan hökumətini və xalqını təbrik ediblər.

Sərgi zamanı Vətən müharibəsinə həsr olunan videoçarx da nümayiş olunub.

# 2096 dəfə oxunub

Oxşar xəbərlər

“Ölsəm, məni bir-iki gün saxlayın, birdən dirildim” – Gülşən Qurbanovanın başına nələr gəlmişdi?

“Ölsəm, məni bir-iki gün saxlayın, birdən dirildim” – Gülşən Qurbanovanın başına nələr gəlmişdi?

10:00 17 noyabr 2026
“Sözcü” telekanalının binasında əməliyyat - Saxlanılanlar var

“Sözcü” telekanalının binasında əməliyyat - Saxlanılanlar var

09:57 17 noyabr 2026
Türkiyə İş Bankı Muzeyi 3,5 milyondan çox ziyarətçi qəbul etdi

Türkiyə İş Bankı Muzeyi 3,5 milyondan çox ziyarətçi qəbul etdi

18:42 16 noyabr 2026
Ağ Evdən böyük olan İsa Kilsəsinin döşəməsi aşkar edildi

Ağ Evdən böyük olan İsa Kilsəsinin döşəməsi aşkar edildi

18:17 16 noyabr 2026
Yeni "Harry Potter" serialı  etirazlara səbəb oldu

Yeni "Harry Potter" serialı etirazlara səbəb oldu

17:32 16 noyabr 2026
“R.E.M.”dən 25 il sonra musiqi hədiyyəsi: “Reveal”

“R.E.M.”dən 25 il sonra musiqi hədiyyəsi: “Reveal”

16:57 16 noyabr 2026
#
#
Ana səhifə Reels Yazarlar Xəbərlər