"O, artıq xalqı yox, höküməti təmsil edəcək" - Aqşin Yenisey

"O, artıq xalqı yox, höküməti təmsil edəcək" - Aqşin Yenisey
18 avqust 2024
# 13:04

Kulis.az Aqşin Yeniseyin yeni yazısını təqdim edir.

Hamının baxdığı “Bəxtiyar” filmində bir səhnə var: hökumət nümayəndələri gəlib buruq fəhlələri arasından istedad seçirlər və fəhlə Rəşid Behbudovun səsini kəşf edirlər.

Vəssalam! Rəşid Behbudov olur hökumət sənətkarı. Xalq onu bundan sonra yalnız dövlət tədbirlərində oxuyan yerdə görəcək. O, artıq hər yerdə xalqı yox, hökuməti təmsil edəcək. Xalqın payına “Hüseynova bacıları” düşəcək.

Xalq Behbudovu hökumətin verdiyi dəyərə görə qiymətləndirəcək. Hökumət isə öz sənətçisinin xalqa təsir gücünü artırmaq üçün onu xalq üçün əlçatmaz edəcək, kahinə çevirəcək. Bundan ötrü xalqla onun arasında kasta bərabərsizliyi yaradacaq. Xalq həmişə “seçilmişi” başının üstündə uçan yerdə görəcək. Onun hökumətin qanadlarıyla uçduğuna fikir verməyəcək. Çünki Xalq ona verilən mükafatların adında iştirak edəcək. Bu xalqın qoltuğunu qarpızlandıracaq.

Sonra hökumət bu kahin-sənətkarların Olimpini yaradacaq. Və bu kahin-sənətkarlar məzlumlara xoşbəxt olduqları haqqında mahnılar oxuyub, şeirlər yazacaqlar. Beləliklə, cari bir din yaranacaq.

Bu cari dinin adı Mədəniyyət olacaq. Sonra bu mədəniyyət öz məzlumlarından özünə qalxan düzəldəcək.

Günlərin birində mədəniyyət adlı bu cari din ölüb gedəcək, onun yalanlarıyla xoşbəxt olduqlarına inandırılan məzlumlar isə hələ uzun illər onun xoşbəxtlik illuziyası yaradan pafosuyla yaşamağa davam edəcəklər.

Qeyd: Behbudov ümumiləşdirmədir.

# 1261 dəfə oxunub

Oxşar xəbərlər

"Milli Kitab 10-luğu" - "Dumanlı Təbriz"

"Milli Kitab 10-luğu" - "Dumanlı Təbriz"

20:17 22 aprel 2025
Telefon uşaqlara necə təsir edir? - Günel Mövlud

Telefon uşaqlara necə təsir edir? - Günel Mövlud

19:00 22 aprel 2025
O, niyə evdə öz kitablarını saxlamırdı? - Qismət

O, niyə evdə öz kitablarını saxlamırdı? - Qismət

18:41 22 aprel 2025
İngilislər osmanlıları siqaretlə  necə məğlub etdilər? - Zaur Əliyev

İngilislər osmanlıları siqaretlə necə məğlub etdilər? - Zaur Əliyev

18:35 22 aprel 2025
Ərdoğanı təhqir edən aktyorla bağlı qərar

Ərdoğanı təhqir edən aktyorla bağlı qərar

18:33 22 aprel 2025
İldırım vuran ağac daha tez böyüyər - Çin atalar sözləri

İldırım vuran ağac daha tez böyüyər - Çin atalar sözləri

17:33 22 aprel 2025
# # #