Mübariz İbrahimovun ən böyük "səhvi"

Mübariz İbrahimovun ən böyük "səhvi"
7 fevral 2024
# 15:00

Bu gün Azərbaycanın Milli Qəhrəmanı Mübariz İbrahimovun doğum günüdür.

Kulis.az Ülvi Bahadırın onun haqqında yazısını təqdim edir.

44 günlük müharibə…

Bu ifadə bizə necə də doğmadır.

Atamız, anamız qədər doğma…

Müharibəni təkcə fiziki mənada qavrayanlar şəksiz ki, yanılırlar.

Müharibə böyük ölçüdə mənəvi məsələdir.

Əsgərlərimiz təkcə torpaqlarımızı qaytarmadılar. Onlar həm də bizim qürurumuzu, ürəyimizin döyüntülərini qaytardılar.

Heç bir müharibə lapdan qazanılmır.

Onun bir kökü, özəyi olur, əlbət.

44 günlük müharibənin memarlarından biri isə şəksiz ki, əfsanəvi Mübariz İbrahimovdur.

Müstəqillik dövrü tariximiz mənə görə iki yerə bölünür: Mübariz İbrahimovdan əvvəl və Mübariz İbrahimovdan sonra.


Mübariz İbrahimova qədər elə bil vətənpərvərlik hissimizin alovu da öləziyirdi.

Mübariz Z nəslindəki milli ironiyanı milli şərəfə çevirdi.

Deyir, filankəsin dili varsa, dilçəyi də var. Mübariz bizim "dilçəy"imiz oldu.

O, hər şeyi dəyişdi, bizi tərbiyə elədi.

Bayraq bizim üçün daha da böyük dəyərə çevrildi.

Əvvəllər mümkünsüz görünən şeylər o qədər adiləşdi ki, bizə gəldi ki, bunu hamımız eləyə bilərik.

Ancaq əlbət, zamanla anladıq qəhrəmanlığın mahiyyətini…

Bəziləri anlayıb daha da sevindi, o müqəddəs yolun yolçusuna çevrildi, bəziləri də geri çəkildi, bildi bu yolun fədakarların, seçilmişlərin yolu olduğunu.

Bəli, Mübariz İbrahimov II Qarabağ müharibəsinin memarıdır.

Mübariz İbrahimovun ən böyük “səhv”i bu gün bizimlə olmaması, onun nəfəsindən güc alıb Şuşanı, Ağdamı – Qarabağı azad eləyən oğullarımızı bağrına basmamasıdır.

Ancaq qəhrəmanlar ölsə də, ideyalar, fikirlər həmişə yaşayacaq.

Bu gün onun - əfsanəvi Mübariz İbrahimovun doğum günüdür.

Bu doğuluş Ağdamın doğuluşudur!..

Bu doğuluş Şuşanın doğuluşudur!..

Bu doğuluş Xocalının, Xankəndinin doğuluşudur!..

Barıt qoxulu yolların doğuluşu!..

# 10964 dəfə oxunub

Oxşar xəbərlər

"Süd kəsilsin deyə dərman qəbul etmək olmaz" - APAMED

"Süd kəsilsin deyə dərman qəbul etmək olmaz" - APAMED

16:15 24 may 2025
Yad et məni, aşiqanə yad et! - Günün şeiri

Yad et məni, aşiqanə yad et! - Günün şeiri

15:10 24 may 2025
Gürcüstanla mədəni əməkdaşlıq müzakirə olunub

Gürcüstanla mədəni əməkdaşlıq müzakirə olunub

14:50 24 may 2025
"O xalının üstündən hər gün min adam keçir" - Röyanın Kannda nə işi var?

"O xalının üstündən hər gün min adam keçir" - Röyanın Kannda nə işi var?

14:30 24 may 2025
Qadınla Kişi Eyni Ola Bilməz! - Seyran Səxavət

Qadınla Kişi Eyni Ola Bilməz! - Seyran Səxavət

13:50 24 may 2025
Üzeyir Hacıbəylinin Ev Muzeyində konsert proqramı keçirilib

Üzeyir Hacıbəylinin Ev Muzeyində konsert proqramı keçirilib

12:25 24 may 2025
#
#
# # #