Son günlər sosial mediada Arif Quliyevin oğlu Rövşən Quliyevin adından yayılan bəzi fikirlər, xüsusən də Əməkdar artist Teymur Əmrahla bağlı ifadələr müzakirələrə səbəb olub.
Rövşən Quliyev Kulis.az-a açıqlamasında bildirib ki, həmin fikirlər mətbuatda şişirdilmiş formada təqdim olunub:
“Mən belə sərt və qəti fikirlər səsləndirməmişəm. Doğrudur, Teymur Əmrah bir müddət ailəmizlə yaxın münasibətdə olub, atam da ona müəyyən mənəvi dəstək göstərib. Amma mən heç vaxt onun yaxşılıqları unudub, bizi tamamilə yadlaşdırdığı barədə bu cür söz deməmişəm.”
O əlavə edib ki, zaman keçdikcə əlaqələrin zəifləməsi təbii haldır:
“Sadəcə illər keçdikcə əlaqələr zəifləyib, bəlkə də, hər kəs öz işi-gücü ilə məşğul olub. Mənim məqsədim kimisə ittiham etmək deyil. Sadəcə bəzi məqamlar yanlış anlaşılmış və şişirdilmiş formada təqdim olunub.”
Rövşən Quliyev sonda Teymur Əmraha hörmətini ifadə edib:
“Teymur Əmraha hörmətim var, onun sənətinə və əməyinə dəyər verirəm.”
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər