“Qanun” nəşriyyatı şair və tərcüməçi kimi tanıdığımız Mahir N.Qarayevin “SONUNCU KORİFEY” adlı ilk nəsr əsərini nəşr edib.

Kulis.az xəbər verir ki, öz fərqli romanında zəngin və çoxşaxəli materialları bir-birinə yüksək peşəkarlıqla qaynaq edən müəllif həm bəlli dövrün ictimai-siyasi mənzərəsini yaratmağa, həm əsrlər boyu dəhşətli müharibələri körükləyən yalançı patriotizmin və dini riyakarlıqların mahiyyətini açmağa, həm də romanın əsas personajlarından olan Korifeyin örnəyində əsl sənətin kodlarını göstərməyə çalışıb.

Səkkiz səhifəlik mətnlə dünyanın ən yaxşı sənət əsərini yaradacağına sidq ürəkdən inanan və özünü dahilərin sonuncusu sayan Korifey – ədəbiyyata böyük iddia ilə gələn, amma mühitin, şəraitin, eqoizmin, mənasız hikkənin ucbatından öz nəhəng potensialını yelə vetən, talantını reallaşdıra bilməyən yaradıcı insanların, sənət adamlarının ümumiləşdirilmiş faciəvi obrazıdır.

Müəllif romanı əlyazma şəklində oxuyub ona öz dəyərli tövsiyələrini vermiş şəxslərə – Azər Qaraçənliyə, Loğman Rəşidzadəyə, Ramiz Rövşənə, Məzahir Əhmədoğluna, Rafiq Həşimova, Tahiz Kazımlıya, Vilayət Hacıyevə, Əjdər Ola, İlqar Qarayevə, İmran Bədirxanlıya, Nəriman Əbdülrəhmanlıya, Seyran Mirzəzadəyə, Etimad Başkeçidə və kitabın redaktoru Fəxri Uğurluya dərin minnətdarlığını bildirir.

• "Ağlını qorumaq istəyirsənsə, heç nəyi sevmə!" - Toni Morrisonla müsahibə
• İblisi harada axtarmalıyıq? - Mikayıl Ruhand
• Səməni, iydə, şərab və sirkə - Novruz nemətlərinin mənaları