Kulis.az İstanbulun məşhur sarayları haqqında yazını təqdim edir.

İstanbulu İstanbul edən Boğaz, Qız Qalası, Sultan Əhməd Məscidi, Adalar, qarğalar, balıq-çörək, Kapalıçarşı, küçə pişikləri, Anadolu və Rumeli Kavakları, Qalata, Kadıköy, Üsküdardır… Saymaqla bitməz ki!

Saraylar isə memarlıq baxımından İstanbulun ən möhtəşəm rəmzləridir.

Şübhəsiz ki, İstanbul deyəndə hər kəsin ağlına ilk Topqapı Sarayı gəlir. Bu şəhəri daha da gözəlləşdirən digər saray biz sıralayaq.

Ulduz Sarayı

Beşiktaş məhəlləsində yerləşən Ulduz Sarayı tək bir bina deyil, köşklər, məscid, saat qülləsi, fotoqrafiya atelyesi, çap evi, teatr, muzey, müşahidə evi kimi fərqli tikililəri eyni parkda birləşdirən böyük bir saray kompleksidir.

İçərisindəki ilk əsər Sultan III. Səlim üçün anası Mihrişah Sultan tərəfindən tikdirilmiş köşk olub.

II. Əbdülhəmid dövründə ən möhtəşəm günlərini yaşayan saray kompleksindən günümüzə çatan tikililər arasında üçüncü bağdakı "Yıldız Şale" də var.

Bəylərbəyi Sarayı

19-cu əsrdə Sultan II Əbdüləziz tərəfindən inşa etdirilən Bəylərbəyi Sarayı 3 min m² sahəni əhatə edir.

Bəylərbəyi Sarayının dənizdən quruya doğru pilləli şəkildə yüksələn bir bağı var.

Kiçiksu Sarayı

Kiçiksu Sarayı xarici fasadını bəzəyən detallı qabartmalar bir yana, daxili fasadındakı xalçalardan tablolarına, xalılardan mebellərə, döşəmələrdən tavanlara qədər sənətkar xüsusiyyətlərə malik bir binadır.

Niqos Balyan tərəfindən inşa edilmiş bu tikili zirzəmisi ilə birlikdə üç mərtəbəlidir. Boğaziçi’ndə, "Anadolu Yakası"nda, Üsküdar-Beykoz sahil yolu üzərində yerləşir.

Dolmabağça Sarayı

1843–1856 illəri arasında 110 min m² sahəyə inşa edilmiş, Beşiktaşda sahil ərazisində yerləşən Dolmabağça Sarayı ən möhtəşəm Osmanlı sarayı hesab olunur.

Boğaza baxan fasadının uzunluğu 600 metr olan sarayda 285 otaq, 44 zal, 68 tualet və 6 hamam var.

Daxili və xarici bəzəklərində qərb üslubu üstünlük təşkil edir, ümumi memarlığında isə eklektik yanaşma müşahidə olunur.

Aynalıqavaq Sarayı

18-ci əsr Osmanlı memarlığı ilə seçilən Aynalıkavak Sarayı adını daxili dekorasiyasında istifadə olunan iri güzgülərdən alır.

Məlumata görə, bu güzgülər dövrün padşahı III. Əhmədə Venetsiyalilər tərəfindən hədiyyə edilmişdi.

Bəyoğlu rayonunun Hasköy məhəlləsində yerləşən bina bu gün ziyarətçilərə açıqdır.

Çırağan Sarayı

Ön fasadı 750 metr uzunluqda olan, möhtəşəm pəncərələri, zəngin bəzək detalları ilə Boğazdan keçənlərin diqqətini çəkən Çırağan Sarayı Beşiktaş və Ortaköy arasında yerləşir.

19 - cu əsrdə inşa edilən bina 1910-cu ildə baş verən böyük yanğın nəticəsində uzun illər səssizliyə bürünüb.

Daha sonra geniş təmir işlərindən keçərək 1990-cı illərin əvvəlindən otel kimi fəaliyyətə başlayıb.

İhlamur Sarayı

İhlamur Sarayı deyildikdə ağla gələn ətrafını əhatə edən yaşıl sahə ilə birlikdə ümumi sahəsi 24 724 m² olan ərazidir.

Sultan Əbdül Məcid buraya “Nüzhetiye” adını verib.

Bu söz sevinç, xoşbəxtlik, rahatlıq mənasını daşıyır.

İhlamur Sarayı ərazidə inşa edilmiş iki köşkdən bəzəkləri ilə daha çox diqqət çəkən "Mərasim Sarayı" adlandırılan tikilidir.

Adilə Sultan Sarayı

Sultan Əbdülməcidin 19-cu əsrin ortalarında bacısı Adilə Sultan üçün inşa etdirdiyi saray Üsküdar rayonunda "Kandilli"də boğaz mənzərəsində yerləşir.

Adilə Sultan tərəfindən 1899-cu ildə hədiyyə edilən bu bina bir müddət "Kandilli Qız Liseyi" kimi istifadə olunub.

1986-cı ildə baş vermiş yanğında ciddi zərər görüb, lakin edilən yardımlar sayəsində bərpa edilərək günümüzə çatdırılıb. .

• "Ezel"in "Dayı"sı həbs edilə bilər
• Qədim Roma dövrünə aid şura binası üzə çıxarıldı
• Sabiq "Rolling Stones" üzvü oğurlanmış gitarasının muzeydə sərgiləndiyini iddia edir