İranda qadınları müdafiə edən müğənni şallaqlandı

İranda qadınları müdafiə edən müğənni şallaqlandı
6 mart 2025
# 12:12

İranın tanınmış müxalifətçi müğənnisi, ölkədə qadınlar üçün sərt geyim qaydalarına qarşı kampaniya aparan Mehdi Yarrahi ona qarşı cinayət işinə xitam verilməsi qarşılığında 74 şallaq zərbəsi alıb.

Kulis.az xəbər verir ki, Yarrahi ilk olaraq 2023-cü ilin sentyabrında “Qadınlar, Həyat, Azadlıq” etirazlarının birinci ildönümündə “Sənin çadranı” adlı etiraz mahnısının yayımlanması ilə bağlı qanunsuz hərəkətlərə görə 2024-cü ilin yanvarında məhkum edilib.

Mahnının sözlərində belə misralar yer alıb: “At çadranı, günəş qürub edir. Çıxar yaylığını, saçın tökülsün... Qorxma, sevgilim! Gülün, göz yaşlarına etiraz edin”.


Yarrahinin həbsindən bir ay sonra, hicabını səhv taxdığı iddiası ilə 22 yaşlı qadın Məhsa Əmini həbs olunur və İran əxlaq polisinin nəzarətində ölür. Onun ölümünün ildönümü ilə əlaqədar bütün İranda etirazlar başlayıb. İnsan haqları təşkilatları hicab qanunu və onun vəhşi şəkildə tətbiq edilməsindən qəzəblənib.

Müğənni etirazlar zamanı mahnı da bəstələyib və sosial şəbəkədə 1 milyondan çox izləyicisi var.

Yarrahinin bir illik həbs cəzası daha sonra elektron ayaq biləyi bilərzik ilə ev dustaqlığına dəyişdirilib və dekabrda başa çatıb. Bu, onun azadlığa çıxmasına səbəb olub. Lakin onun üçüncü şəxs tərəfindən ödənilən 15 milyard tümənlik girovunun qaytarılması onun bu həftə həyata keçirilən şallaqlanmasından asılı idi.

“The Guardian“ yazır ki, onun şallaqlanması xəbəri İran sosial şəbəkələrində geniş etirazlara səbəb olub. Nobel Sülh Mükafatı laureatı Narges Mohammadi sosial şəbəkədə yazıb: “Mehdi Yarrahinin şallaq cəzasının icrası İran qadınlarına verdiyi dəstəyə cavabdır. Mehdinin şallaqlanması İranın məğrur, dözümlü qadınlarına və Qadın, Həyat, Azadlıq hərəkatının çiçəklənən və qüdrətli ruhuna zərbədir”.

İranın İnsan Hüquqları Müdafiəçiləri İnformasiya Agentliyinin məlumatına görə, 2024-cü ildə ən azı 131 nəfər İran məhkəməsi tərəfindən 9957 şallaq cəzasına məhkum edilib.

# 2152 dəfə oxunub

Oxşar xəbərlər

Türkiyə İş Bankı Muzeyi 3,5 milyondan çox ziyarətçi qəbul etdi

Türkiyə İş Bankı Muzeyi 3,5 milyondan çox ziyarətçi qəbul etdi

18:42 16 noyabr 2026
Ağ Evdən böyük olan İsa Kilsəsinin döşəməsi aşkar edildi

Ağ Evdən böyük olan İsa Kilsəsinin döşəməsi aşkar edildi

18:17 16 noyabr 2026
Yeni "Harry Potter" serialı  etirazlara səbəb oldu

Yeni "Harry Potter" serialı etirazlara səbəb oldu

17:32 16 noyabr 2026
“R.E.M.”dən 25 il sonra musiqi hədiyyəsi: “Reveal”

“R.E.M.”dən 25 il sonra musiqi hədiyyəsi: “Reveal”

16:57 16 noyabr 2026
Cinsi zorakılıqda təqsirləndirilən aktyor apellyasiya şikayətini geri götürdü

Cinsi zorakılıqda təqsirləndirilən aktyor apellyasiya şikayətini geri götürdü

16:24 16 noyabr 2026
Azərbaycanın "Şur" muğamı kosmosda

Azərbaycanın "Şur" muğamı kosmosda

16:12 16 noyabr 2026
#
#
Ana səhifə Reels Yazarlar Xəbərlər