Əlibaba Məmmədovun məzarının eskizi bəyənilmədi: "16 minə belə qəbir olar?"

Xalq artisti Əlibaba Məmmədov

Xalq artisti Əlibaba Məmmədov

21 aprel 2023
# 10:50

Ötən ilin fevralında vəfat edən Xalq artisti Əlibaba Məmmədovun məzarının üstü hələ də götürülməyib.

Kulis.az "Xəzərxəbər"ə istinadən xəbər verir ki, sənətçinin qızı Rəqsanə Məmmədli atasının qəbir daşının hazırlanması üçün dövlət tərəfindən 16 min manat pul ayrıldığını bildirib. Bakı Şəhər Əhaliyə Vətəndaşlıq Xidməti Tresti məzarın eskizi hazırlayaraq ailəyə göstərsə də, onlar razılığa gələ bilməyib:

"Qohumlarla yığılıb eskizə baxdıq, Dedik ki, belə qəbir olar? Adi qəbir daşı idi. Hamı dedi ki, 16 minlik qəbir deyil. Əlibaba Məmmədovun adına yaraşan deyil. Bizə dedilər ki, əgər daha yaxşı olmasını istəyirsinizsə, əlavə pul ödəyin".

R.Məmmədli martın 29-da Əlibaba Məmmədov xatirə gecəsində iştirak etməkdən imtina etdiyini də bildirib:

"Atamın qəbri düzəlməyib, orada necə iştirak edim? Utanıram axı. Görənlər deyəcək ki, kişinin qəbri düzəlməyib, burada çal-çağırdır. İli çıxdı, camaat ziyarət üçün hara getsin?".

Məsələ ilə bağlı Bakı Şəhər Əhaliyə Vətəndaşlıq Xidməti Trestindən bildirilib ki, bunun üçün 16 min manat pul ayrılıb. Sənətkarın ailəsinə məlumat verilib, lakin ailə ödənilən məbləğlə razılaşmayıb. Həmin vəsait digər məzar daşlarına da şamil edilir. Rəqsanə Məmmədli razılaşdığı təqdirdə həmin məzar daşının qoyulması dərhal təmin olunacaq.

# 3163 dəfə oxunub

Oxşar xəbərlər

Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

18:53 4 aprel 2025
Aqşin Yenisey:  "Rahatlıq varsa, yaradıcılıq yoxdur"

Aqşin Yenisey: "Rahatlıq varsa, yaradıcılıq yoxdur"

18:30 4 aprel 2025
Akademik Musiqili Teatrına yeni direktor təyin edildi

Akademik Musiqili Teatrına yeni direktor təyin edildi

18:27 4 aprel 2025
Bakıda Beynəlxalq Xalça Festivalı keçiriləcək

Bakıda Beynəlxalq Xalça Festivalı keçiriləcək

18:00 4 aprel 2025
Xalq artisti Faiq Sücəddinovun vəziyyəti pisləşib

Xalq artisti Faiq Sücəddinovun vəziyyəti pisləşib

17:35 4 aprel 2025
#
#
# # #