"Dublin" mükafatının qısa siyahısı açıqlanıb

"Dublin" mükafatının qısa siyahısı açıqlanıb
25 mart 2025
# 18:08

"Dublin" ədəbiyyat mükafatının qısa siyahısı açıqlanıb.

Kulis.az siyahını təqdim edir.

Percival Everett (ABŞ) – “Ceyms”

Bu roman Amerika ədəbiyyatının klassiki Mark Tvenin “Haklberi Finnin macəraları” əsərindəki qaçaq kölə Cimin (Ceyms) gözündən məlum əhvalatın yenidən yazılmasıdır. Burada Cim yeni bucaqdan – humanist, zəkalı və şəfqətli şəkildə təsvir olunur.

Daniel Meyson (ABŞ) – “Şimal meşələri”

Bu roman bir neçə əsr boyunca “New England” meşələrinin dərinliyindəki bir ev və onun sakinləri haqqındadır. Ən qədim Amerikan koloniyalarından bu günə qədər gəlib çıxan sujetdə sözügedən evin sakinləri ilə yanaşı oranı ziyarət edənlərin, qaçaqların, sevgililərin, böcəklərin – hamının əhvalatı iç-içədir. Romanda məktublar, şeirlər, gündəliklər, yol qeydləri əsas təhkiyəni müşayət edir.

Selva Almada (Argentina) – “Bir çay deyil bu”

Roman iki nəfər kişinin rəhmətə getmiş dostlarının oğlunu balıq tutmaq üçün illər əvvəl öz atalarının boğulub öldüyü yerə – Parana çayına aparmasından bəhs edir. Həmin məkanda yerlilərlə bura balıq tutmağa gələnlər arasında gərginlik baş verir. Çünki bura sadəcə çay deyil...

Pol Linç (İrlandiya) – “Peyğəmbərin nəğməsi”

Müəllif bu əsəri Suriyadakı vətəndaş müharibəsini, köç dalğasını və Qərb dünyasının buna laqeydliyini göstərmək üçün yazdığını deyib. Dublində yaşayan sindikat lideri Larri ölkədəki fövqəladə vəziyyət əsas gətirilərək həbs olunur. Həyatı yoldaşı molekulyar bioloq Eyliş bir yandan xəbər-ətər çıxmayan ərinin izinə düşməli, bir yandan isə dörd uşağına baxmalıdır... Müəllif bu çətin ictimai-siyasi mövzunun altından, publisistikaya yuvarlanmadan, ustalıqla çıxıb.

Maykl Krammi (Kanada) – “Rəqib”

Gözdən-könüldən uzaq bir limanda təxribat baş verir, bundan sonra rəqib ticarət şirkətləri arasındakı nifaq güclənir. Bu qisas yarışında cəmiyyət bölünür, hamı tərəf tutmağa məcbur edilir. Tənqidçilər romanı sevginin gücü və məhdudiyyəti, korrupsiyanın ifşası haqqında güclü əsər hesab edirlər.

Gerda Blis (Holland) – “Biz işığıq”

“Səs və Sevgi Cəmiyyəti”nin lideri Melodiya öz tərəfdarlarına, müridlərinə deyir ki, bizə yemək lazım deyil, işıq və sevgi bəsimizdir. Ancaq Melodiyanın bacısı buna görə gözlərinin qabağındaca acından ölür. Qanun Melodiyanı cəzalandırmalıdır, yoxsa sənə inananlar könüllü şəkildə ölümü seçirlərsə, hər şeyə icazə var ?

# 891 dəfə oxunub

Oxşar xəbərlər

Meyxanaçı, yoxsa qəzəlxan? - Əliağa Vahid, həqiqətən, içki düşkünü idi?

Meyxanaçı, yoxsa qəzəlxan? - Əliağa Vahid, həqiqətən, içki düşkünü idi?

15:00 11 iyul 2025
Azərbaycanın daha iki abidəsi UNESCO-nun  Dünya İrsinin İlkin Siyahısında

Azərbaycanın daha iki abidəsi UNESCO-nun Dünya İrsinin İlkin Siyahısında

14:29 11 iyul 2025
Culian MakMahonun ölüm səbəbi açıqlandı

Culian MakMahonun ölüm səbəbi açıqlandı

14:00 11 iyul 2025
Qala Əntiq Əşyalar Muzeyi  bərpadan sonra ziyarətçilərin ixtiyarına verildi

Qala Əntiq Əşyalar Muzeyi bərpadan sonra ziyarətçilərin ixtiyarına verildi

13:51 11 iyul 2025
Rus dilində tədris ləğv olunmalıdırmı? - Təhlükə və çıxış yolları

Rus dilində tədris ləğv olunmalıdırmı? - Təhlükə və çıxış yolları

12:00 11 iyul 2025
Fazil Mustafaya sui-qəsd edən Səricanovun oğlu ilə bağlı məhkəmə qərarı

Fazil Mustafaya sui-qəsd edən Səricanovun oğlu ilə bağlı məhkəmə qərarı

11:56 11 iyul 2025
#
#
# # #