"40 ilə yaxındır Azərbaycan Dövlət Mədəniyyət və İncəsənət universitetində dərs deyirəm. Mən desəm ki, aktyorlarımız zəifdir, bu artıq söz olar və öz əksimə getmiş olaram. Hər şey göz qabağındadır".
Kulis.az xəbər verir ki, bu fikirləri Əməkdar artist Azad Şükürov deyib.
Onun sözlərinə görə, hazırda teatrlarda kifayət qədər gənc işləyir və bu gənclər çox uğurlu əsərlər ortaya qoyur.
"Müstəqil teatrlar da yaranmaqdadır. Çox istedadlı gənclərimiz var, lakin onların əksəriyyəti bəzən səhnədən, teatrdan kənarda qalırlar və özlərinə iş tapa bilmirlər. Görünür, müəyyən işlər həyata keçirilməlidir. Bu gün seriallar çox çəkilir. Onların arasında çox zəifləri də var ki, bu da son dərəcə normaldır. Bunu "Seriallar bazar"ı da adlandırmaq olar. Burda həm keyfiyyətli, həm də keyfiyyətsiz məhsullar var. Təkcə kino və teatr sahəsində deyil, digər sahələrdə də uğurlu gənclər yetişməkdədir və onların gələcəyinə inanıram. Sadəcə onlara daha çox şərait yaratmaq lazımdır. Gənclərin ortalığa çıxmasında Heydər Əliyev Fondu müəyyən işlər görür, amma çox yaxşı olardı ki, digər strukturlar da bu prosesdə fəal iştirak etsinlər".
faktmedia.az
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər