Bu il Şuşada keçirilən «Vaqif poeziya günləri» çərçivəsində qonaqlara təqdim olunan «Dövri-səda» konsert proqramını və «Vaqif dünyası» ədəbi-musiqili kompozisiyası hazırladıqlarına görə bir qrup incəsənət xadimi Azərbaycan Yazıçılar Birliyinin Fəxri diplomları ilə təltif olunub.
Kulis.az xəbər verir ki, mükafatlandırma mərasimini giriş sözü ilə açan AYB sədrinin müavini Rəşad Məcid bu il də «Vaqif poeziya günləri»nin yüksək səviyyədə keçdiyini, ədəbi mühit tərəfindən çox bəyənildiyini vurğulayıb və buna görə tədbirin əsas təşkilatçıları olan Heydər Əliyev Fonduna və Mədəniyyət Nazirliyinə xüsusi təşəkkürünü bildirib.
AYB sədri, Xalq yazıçısı Anar «Vaqif poeziya günləri»ndəki bədii-musiqili tədbirləri hazırlayan incəsənət xadimlərinə minnətdarlığını bildirib, bəstəkar Vüqar Camalzadəyə, bəstəkar Azər Hacıəsgərliyə, rejissor Bəhruz Vaqifoğluya, aktyor Azad Şükürova və AYB katibi İlqar Fəhmiyə Azərbaycan Yazıçılar Birliyinin Fəxri diplomlarını təqdim edib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər