Hollivud ulduzu, BMT-nin xoşməramlı səfiri Ancelina Coli İtaliyanın paytaxtı Romada qaçqın düşən ukraynalı uşaqların müalicə olunduğu xəstəxanaya baş çəkib.
Kulis.az xəbər verir ki, bu barədə "Ospedale Bambino Gesu" xəstəxanası instaqram hesabında aktrisanın sözlərindən sitat gətirərək yazıb:
“Müharibənin bitməsi üçün dua edirəm. İnsanların iztirab və köçkünlüyünə son qoymağın yeganə yolu budur. Uşaqların qaçqın həyatları, sağlamlığı və yaraları bahasına başa gəlməsini görmək dəhşətlidir".
Roma xəstəxanasına yerləşdirilən uşaqlardan birinin - Çernivtsidən olan 10 yaşlı ukraynalı onkoloji xəstə Artem Babçukun anası sosial media hesabında Ancelina ilə görüşü haqda yazıb. O, bildirib ki, aktrisanı gördüyünə inana bilmir. Onun sözlərinə görə, Ancelina oğlunun tezliklə sağalmasını və Ukraynada sülhün bərqərar olmasını arzulayıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər