Anar "Yeni Müsavat"da onun haqqında köşələr yazan tanınmış publisist Zamin Hacı barəsində qəzetə məktub ünvanlayıb.
Xalq yazıçısı məktubun bir nüsxəsini də bizə göndərib.
Kulis.az həmin məktubu təqdim edir.
Hörmətli redaktor!
Redaktə etdiyiniz qəzetin demək olar ki, hər sayında eyni zatın mənim haqqımda bir-birindən təhqiramiz, şit “məzələnmələr”i çıxır.
Mənə bəslədiyi səbəbsiz və izahsız nifrətinə görə atamın ruhunu incitmək kimi şərəfsizliyə də əl atır.
Haqqımda yazdığı və dabanbasma çap olunan yazıların sonuncusunda mənə ünvanlanmış növbəti təhqirlərdən sonra gileylənir ki, Elxan Elatlını Yazıçılar Birliyinə qəbul etmirik, ona ev və təqaüd vermirik.
Yalançılıq bu köşə yazarının üçüncü peşəsidir. İstedadlı yazıçı Elxan Elatlı 2007-ci ildən Yazıçılar Birliyinin üzvüdür və bir dəfə də olsun ev ya təqaüd üçün Birliyə müraciət etməyib.
Birinə yalmanmaq üçün başqasını alçaltmağa cəhd etmək kəmlik kompleksinin əlamətidir.
Bilirəm ki, qəzetinizdə bir məktubumu verməyəcəksiniz, köşə yazarının gələcək böhranlarının qarşısını da ala bilməyəcəksiniz.
Amma unutmayın ki, tarix var. Qəzetlər də kitabxanalarda durur. Elə davranmayın ki, gələcək nəsillər qarşısında xəcalət çəkəsiniz.
“Yeni Müsavat” qəzetinin namuslu əməkdaşlarına salamlarla!
Bu qəzetin bir guşəsinin daimi hədəfi
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər