Mərhum Xalq artisti Aftandil İsrafilovun illər əvvəl bəstələdiyi “Basqalı” mahnısı Gürcüstan televiziyasında verilişlərin birində səsləndirilib.
Kulis.az xəbər verir ki, bu barədə Əməkdar artist Bəhram Bağırzadə sosial şəbəkədə video paylaşıb.
Videoda gürcü uşaqların “Basqalı” mahnısını gürcü dilində oxuyub - rəqs etməsi əks olunub.
B.Bağırzadə "Əziz dostlar, baxın, bu gözəl istedadlı gürcü uşaqları bizim möhtəşəm bəstəkar və qarmon ustadı Avtandil İsrafilovun "Basqalı" rəqs kompozisiyasını necə ifa edirlər. Bu musiqi hələ ötən əsrin 70-ci illərində yazılıb və bu gün gürcü uşaqları bu bəstəyə söz qoşub, ifa edirlər" .
Onun sözlərinə görə, "Basqalı" gürcü kanalında erməni bəstəsi "Şalaxo" kimi təqdim olunub:
"Qonşularımız" heç vaxt sakitləşməyəcək! Onlar artıq hər şeyi - iki dəfə müharibəni, qonşu ölkələrin etimadını, Qafqazın sakinləri adlandırılmaq haqqını və şərəfini itiriblər. Amma bitməmiş ilan kimi hələ də əllərinə düşən hər şeyi öz zəhərləri ilə zəhərləməyə çalışırlar.
Ona görə də mən Azərbaycan Mədəniyyət Nazirliyinə müraciət edirəm, zəhmət olmasa, öyrənin niyə Azərbaycan musiqisi erməni kimi təqdim olunur? Bəlkə, gürcü dostlarımız bu musiqinin müəllifinin kim olduğunu, sadəcə, olaraq bilmirlər? Gürcüstan telekanalının əməkdaşları ilə əlaqə saxlamaq lazımdır ki, əsl bəstəkar Avtandil İsrafilovu göstərsinlər".
Qeyd edək ki, Aftandil İsrafilov bu il aprelində 82 yaşında dünyasını dəyişib. Qarmon ustadı İkinci Fəxri Xiyabanda dəfn olunub.
Axşam.az
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər