Fevralın 10-da Serbiyanın paytaxtı Belqraddakı “Koloras” Mədəniyyət Mərkəzində türkdilli xalqların musiqilərindən ibarət konsert keçiriləcək.
Türk dünyasının böyük şairi Abay Kunanbayevin anadan olmasının 175-ci ildönümünə həsr olunan konsertdə Azərbaycanı sopranomuz Fəridə Məmmədova təmsil edəcək. Konsert Yunus Əmrə Türk Mədəniyyət Mərkəzi və Türkiyə Beynəlxalq Türk Mədəniyyəti Təşkilatının birgə təşkilatçılığı və Serbiyadakı Azərbaycan, Qazaxıstan və Türkiyə səfirliklərinin dəstəyi ilə təşkil olunacaq.
Bakı Musiqi Akademiyasının yetirməsi olan Fəridə Məmmədova ölkəmizdə və onun hüdudlarından kənarda (Almaniya, Fransa, İsveçrə, Avstriya, Hollandiya, Belçika, Çexiya, Türkiyə, Rusiya, Ukrayna, Qazaxıstan, Monqolustan və s.) solo konsert proqramları ilə çıxış edib. Onun repertuarı tanınmış Azərbaycan və xarici bəstəkarların əsərlərindən ibarətdir və dünya şöhrətli dirijorların rəhbərliyi altında müxtəlif orkestrlərlə (Ü.Hacıbəyli adına Azərbaycan Dövlət simfonik orkestri, Q.Qarayev adına Azərbaycan Dövlət kamera orkestri, Vyana kamera orkestri, Yerusəlim simfonik orkestri, Johannesburq simfonik orkestri, “Raana Symphonietta”, “Studio for the New Music”, “Asco-Schoenberg ensemble”, “Reconsil” və s.) əməkdaşlıq edir. /azertag.az/
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər