“Şəhid verdiyimiz dövrdə toy oxumusan qınaq yerinə çevrilmisən, indi niye minnət vurursan ki…”

Kulis.az xəbər verir ki, bu sözlər tanınmış tarzən Humay Qədimova feysbuk hesabında yazıb. O, şou-biznes nümyandələrinin səmimi olmadıqlarını bildirib:

“Yenə də başladılar, gündəmdə qalmaq üçün minnət vurmağa. Ay bala, şəhid verdiyimiz dövrdə toy oxumusan, qınaq yerinə çevrilmisən, indi niyə minnət vurursan ki, o pulları həmin o ailələrə verəcəm. Başa düşün ki, biz ömür boyunca onlara borclu qaldıq. Bir dəfə də səmimi içdən olun da ,danışmayın. Vallah xəbəriniz gəlib çatacaq ki, filankəs xeyir iş gördü. Bu arada kimlər bu savab işlərlə məşqul oldu və olur Allah hamıya yar olsun.”

Qeyd edək ki, bir aydır Rusiyada olan Şəbnəm Tovuzlu orada toy məclislərinə qatılıb və buna görə tənqid hədəfinə çevrilib. O tənqidlərə cavab olaraq bildirib ki, konsertdən qazandığı pulu xeyriyyə işlərinə ayırıb:

"Mənə qarşı haqsız tənqidlər yazılır. Rusiyaya gəlməyim, konsert verməyim o qədər müzakirə olundu ki... Mən etdiyim xeyriyyə işlərini açıb danışmıram. Amma bu qədər təhqirə layiq deyiləm. Konsertdən qazandığım puldan 11 min dollar iki qazimizin əməliyyatına ayrılıb. Hazırda Bakıda deyiləm, amma qayıdanda həmin qaziləri ziyarət edib, video paylaşacam. Onların müalicəsi üçün nə lazımdırsa, öz boynuma götürmüşəm".

• Heydər Əliyev Mərkəzində “Yenidən doğulmuş gözəllik” sərgisi açıldı
• Ağadadaş Ağayevin qaldırdığı mülki iddia məhkəmə baxışına verildi
• “Solo gənclik” layihəsinə başlanılır