Almaniyanın paytaxtı Berlində 70-ci Berlin film festivalında “Qızıl ayı” mükafatı uğrunda 18 film yarışacaq.

Kulis.az rus mətbuatına istinadən xəbər verir ki, festivalın açılışı fevralın 20-də kanadalı rejissor Filipp Falardonun "Mənim sevgilim İli" filminin nümayişi ilə baş tutacaq. Festival çərçivəsində 71 ölkədən 340 film nümayiş olunacaq.

Festivalın müsabiqə bölümündə isə 18 ölkədən 18 film "Qızıl ayı" mükafatı uğrunda mübarizə aparacaq.

"Qızıl ayı" və "Gümüşü ayı" alacaq filmləri təyin edəcək beynəlxalq münsiflər heyətinə Ceremi İrons sədrlik edəcək. Münsiflər heyətinin üzvləri gələn həftə açıqlanacaq.

Bir çox məşhur simaların iştirak edəcəyi festivalda mükafat Fevralın 29-da sahiblərinə təqdim olunacaq.

Berində "Qızıl ayı" uğrunda mübarizə aparacaq filmlər bunlardır:

Buran Kvrbani - “Berlin Alexanderpltaz”

İli Xrjanovski - “Dau. Nataşa”

Xon San Su - “Qaçan qadın”

Benua Delepin, Qustav Kervern - “Tarixi silin”

Natalya Meta - “Qarşıdakı gələcək”

Fabio Dinnozenco, Damian Dinnozenco - “Facolacce”

Kelli Rayxard - “İlk inək”

Ritxi Pann - “Şüalanma”

Filipp Qarel - “Göz yaşının duzu”

Eliza Xittman - “Heç vaxt, nadir hallarda, həmişə, bəzən”

Tsay Minlyan - “Rizi”

Salli Potter - “Seçilməmiş yollar”

Stefani Şua, Veronika Reymond - “Bacıcığaz”

Moxammad Rasulof - “Pislik yoxdur”

Abel Ferrara - “Sibiria”

Marko Dutra, Getano Kotardo - “Hər kəs ölüdür”

Kristian Petstold - “Undina”

Corco Diritti - “Mən gizlənmək istəyirəm”

• "Subay kişilər “ekoarvad”la “mükafatlandırılmazdan” əvvəl ..." - “Damazlıq qızın əhvalatı” necə yazıldı?
• Ekspert: Burundidən 10 minə yaxın sənət əsəri oğurlanıb
• "Titanik" filmi canlı orkestrin müşayiəti ilə təqdim ediləcək