Lady Gaganı 10 milyon adam izlədi

Media

Ana səhifə
Media

Lady Gaganı 10 milyon adam izlədi - BİR İLK

16 may 2011

12:11

“Twitter” sosial şəbəkəsindən istifadə edən məşhurların və onların izləyicilərinin sayı get-gedə artmaqdadır. Qəribə geyimləri, saç düzümləri ilə seçilən müğənni Lady Gaga izləyənlərin sayı 10 milyon 48 min 800 nəfər olub. Beləcə, Gaga “Twitter” tarixinə ən çox “follower”i (izləyicisi)olan insan kimi düşüb.

Dünyanın bir çox məşhur insanlarını burda izləmək mümkündür. Prezidentlər, yazıçılar, alimlər, aktyorlar, jurnalistlər, aktivistlər, bloggerlər bu şəbəkənin fəallarındandır. Məsələn, Barak Obama prezident seçkiləri dövründə Twitter sosial şəbəkəsində güclü təbliğat aparıb.

“Twitter” sosial şəbəkə sistemi olub ingiliscədən tərcümədə “civildəmək, cikkildəmək” mənasını verir.

200 milyona yaxın istifadəçisi var. Azərbaycanda bu şəbəkənin istifadəçilərinin sayı 1600-ə yaxındır.

Twitterdə qısa, yığcam fikirlər paylaşıldığı üçün ona “İnternet dünyasının SMS”i də deyirlər.

Günel ƏSGƏRZADƏ