“Twitter” indi türkcə və rusca danışır

Media

Ana səhifə
Media

“Twitter” indi türkcə və rusca danışır

27 aprel 2011

09:31

İstifadəçi sayına görə dünyanın ikinci ən böyük sosial şəbəkəsi olan “Twitter”in dilərinə sırasında rus və türk dilləri əlavə olunub.

Kulis.az “Twitter”in rəsmi bloquna istinadən xəbər verir ki, bu dillər iki ay öncə “Twitter” in Tərcümə Mərkəzinə əlavə edilib. Aprelin 26-da isə istifadəçilərin ixtiyarına verilib.

Bundan qabaq isə “Twitter”i ancaq 7 dil seçimi var idi: ingilis, alman, fransız, yapon, koreya, italyan, ispan. Bunların sırasına türk və rus dillərinin artırılması azərbaycanlı istifadəçilər üçün də geniş imkanlar açır.

“Twitter”nizin dilini hesabınızdakı parametrlərdən (Settings) dəyişə bilərsiniz.

Qeyd edək ki, “Twitter”də hazırda 175 milyondan çox istifadəçi var. Dünyada bir çox məşhurlarların – prezidentlərin, sənətçilərin, yazıçıların, jurnalistlərin, idmançıların burada hesabları var. Onların yazdıqlarını milyonlarla tvitterçi izləyir.

Azərbaycanda aktiv “Twitter” istifadəçilərinin sayı isə təxminən 1500 nəfərdir. Ancaq bu rəqəm sürətlə artır.

Günel Əsgərzadə