İsveçin ən böyük və məşhur qəzetlərindən biri olan “Aftonbladet” eyni zamanda internet mediasının öncüllərindəndir. Kulis.az sözügedən qəzetin rəqəmsal versiyasının memarlarından olan Kalle Jungkvistin internet mediası və ənənəvi media haqqında maraqlı fikirlərinin yer aldığı kiçik müsahibəsini təqdim edir. Müsahibə Türkiyənin “Hürriyet” qəzetində çap olunub.
- “Aftonbladet” web saytının uğur əldə etməsinin sirri nədədir?
- Qəzetin internet versiyasını yaratmağı əvvəldən düşünmüşdük. Saytın özünün baş redaktoru və idarə heyəti var idi. Əvvəlcə qəzet versiyasında çıxan məqalələri sayta qoyurduq. Sonra isə onlayn qəzetçiliyə keçdik. Son dəqiqə xəbərlərini verməyə başladıq. Web TV yaratdıq. Rəqiblərimiz sadəcə əllərindəki hazır materialları internetə yerləşdirəndə biz qəzetçiliyi internet mediasına uyğunlaşdırdıq.
- Necə düşünürsünüz, bu gedişlə çap mediası tamamilə sıradan çıxacaqmı?
- Müxtəlif növ qəzetlər var. Hərəsinin aqibəti bir cür olacaq. Amma bütün hallarda hamısını çətin proses gözləyir. Avropada qəzetlərin çoxu yaşaya bilməyəcək. Hətta ABŞ-da bəzi qəzetlər artıq ölüb. Skandinaviyada metroda, avtobusda əvvəl hamı qəzet oxuyardı. İndi bu ənənə artıq yoxdur. Hamının əlində mobil cihazlar var. Qəzetlərin yerini Facebook, Youtube, Twitter kimi şəbəkələr tutub.
- Son qəzeti nə vaxt oxuyacağıq?
- Konkret vaxt deyə bilmərəm. Bəzi nəşrlər yenə qalacaq, amma formaları dəyişəcək. Məsələn, həftəsonu qəzetləri olacaq. Markalar isə fəaliyyətini onlayn davam etdirəcəklər.
- Türkiyədə vəziyyət necə olacaq?
- Dünya ilə eyni proseslər gedəcək. Çap mediası Türkiyədə çətin günlər keçirəcək.
- İsveçdə jurnalist olaraq xəbər tapmaqda çətinlik çəkmirsiniz ki?
- Yox. İnternet mediasında bütün son dəqiqə xəbərlərini vermək məcburiyyətində olursan. Bir dəqiqə də olsun boş vaxtımız olmur. Bu jurnalist üçün yuxular aləmi kimi bir şeydir. Bütün böyük xəbərləri birinci siz verirsiniz: televiziya, radio və təbii ki, çap mediasından daha tez.
Hazırladı: Elmin H.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Rəşad Məcidə ağır itki üz verdi
10:33
15 noyabr 2026
Deyv Qrolun qızı “Aclıq oyunları” üçün yeni mahnı yazdı – “Metal Birds” təqdim edildi
17:46
14 noyabr 2026
“Blink-182”, “Evanescence” və “Bring Me The Horizon” ilk dəfə Dounload Festivalının əsas səhnəsinə çıxacaq
16:55
14 noyabr 2026
Stivi Uander səhnədən Maklemoru müdafiə etdi: “İstəyirsinizsə, məni də qadağan edin”
16:01
14 noyabr 2026
Rozaliya üçüncü dəfə “Latin Grammy”nin ən böyük mükafatını qazandı
14:12
14 noyabr 2026
Uşaqlara pis nümunə göstərməkdə ittiham olunurdu – "Uzuncorab Peppi" niyə bu qədər etiraz doğurmuşdu?
14:00
14 noyabr 2026
Ana səhifə
Reels
Yazarlar
Xəbərlər