“Tıq-Tıq xanım” animasiya filminin müəllifinin Berlində kitabı nəşr olundu

“Tıq-Tıq xanım”  animasiya filminin müəllifinin Berlində kitabı nəşr olundu
15 avqust 2020
# 18:29

Tanınmış Azərbaycan animasiya rejissoru, animator, rəssam və yazıçı Məsud Pənahinin Almaniyanın Berlin şəhərində “Rezin xoruz” adlı avtobioqrafik kitabı çapdan çıxıb.

Bu barədə Kulis.az-a ANİMAFİLM Beynəlxalq Animasiya Festivalının mətbuat xidmətindən məlumat verilib. “Tıq-tıq xanım”, “Bulud niyə ağlayır”, “Qız qalası əfsanəsi” və başqa məşhur animasiya filmlərinin müəllifi yeni kitabı haqqında fikirlərini bölüşüb:

“Əvvəlcə kitab haqqında heç düşünmürdüm. Lakin üzv olduğum və hekayələrimi çap edən Berlin “Ədəbiyyat və Mədəniyyət klubu”nun məsləhətilə öz ailəmin tarixi, öz fantaziyalarım və yuxuda gördüklərim haqqında bir kitab yazmağı qərara aldım. Özümü peşəkar yazıçı saymıram. Ədəbiyyatı kino kimi görürəm. Ona görə düşünürəm ki, hekayələrimi asanlıqla ekranlaşdırmaq olar...”

Məsud Pənahi 1943-cü ildə İranın Zəncan şəhərində doğulub. Məşhur yazıçı və şair Abbas Pənahi Makulu onun atası olub. 1946-ci ildə Pənahi ailəsi ilə Bakıya köçüb. 1966-cı ildə Əzim Əzimzadə adına Rəssamlıq Məktəbini, 1972-ci ildə isə Ümumittifaq Dövlət Kinematoqrafiya İnstitutunun (ÜDKİ) rəssamlıq fakültəsini və ÜDKİ-nin nəzdindəki animasiya üzrə quruluşçu-rejissor kurslarını bitirib.

1974-cü ildə Bakıda keçirilən VII Ümumittifaq festivalında “Bulud niyə ağlayır” multfilminə görə 1-ci mükafata layiq görülüb. 1979-cu ildə isə Aşqabadda keçirilən XII Ümumittifaq kino festivalında “Qız qalası əfsanəsi” multfilminə görə iştirak diplomu ilə təltif edilib. Məsud Pənahi Azərbaycanın kult multfilmi olan “Tıq-tıq xanım” (“Pıs-pısa xanım və siçan bəy”) filminin müəllifidir.

1979-cu ildən Almaniyada yaşayır. Berlin Mərkəzi Telestudiyasında və müxtəlif animasiya studiyaları nəzdində 60 yaxın animasiya filmlərinin çəkilişlərində iştirak edib. M.Pənahinin son işlərindən biri Berlindəki Azərbaycan diasporasının dəstəyi ilə 2012-ci ildə çəkilmiş və Xocalı şəhərində baş vermiş faciədən bəhs edən “Sükutun pozulması” (“Zerstörter Friede”) animasiya filmidir.

Qeyd edək ki, 2018-ci ildə Məsud Pənahi ANİMAFİLM-in Azərbaycan animasiyasına verdiyi töhfəyə görə “Qızıl qayıq” mükafatı ilə təltif olunub. 2019-cu ildə həmin festivalın Beynəlxalq münsiflər heyyətinin sədri olub.

# 2499 dəfə oxunub

Oxşar xəbərlər

Taleyə boyun əyib yaşamaq...  - Aqşin Yenisey

Taleyə boyun əyib yaşamaq... - Aqşin Yenisey

17:00 4 aprel 2025
Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

16:40 4 aprel 2025
Arif Acaloğlu haqqında kitab nəşr edildi

Arif Acaloğlu haqqında kitab nəşr edildi

15:06 4 aprel 2025
Düz beş ildir ki, mən... - Ulucay Akif

Düz beş ildir ki, mən... - Ulucay Akif

15:00 4 aprel 2025
Bu qəzet fəaliyyətini dayandırdı - Səbəb

Bu qəzet fəaliyyətini dayandırdı - Səbəb

14:35 4 aprel 2025
Ruhəngiz Musəvi kimdir?

Ruhəngiz Musəvi kimdir?

13:40 4 aprel 2025
#
#
# # #