Kulis.az Ziya Muradovun “Ən qısa hekayə” müsabiqəsinə göndərdiyi “Kuku” (474 işarə) hekayəsini təqdim edir.
- Kukumu istəyirəm.
Ana nəsə uzadır.
- Bu kakadı, kukumu istəyirəm!
- Hardan alım, evimizi, yurdumuzu dağıtdılar, hər şey də içində.
- Öymüzü istəyirəm.
- Mən də. Dədən gəlsin...
- Dədəmi istəyirəm.
- Yazıq indi hansı səngərdədi, ac-susuz ?...
- Üffə istəyirəm.
Ana su ilə çörək verir.
- İsti istəyirəm.
- Nədə isidim, nə qızdırım, indi yat, səhər baxarıq.
- Mən əəə , piş-piş istəyirəm.
- Sus, xoxu gələr.
- Xoxudan qorxmuram.
- Mən də daha heç nədən qorxmuram. Anadan əmdiyimiz süd burnumuzdan tökülüb...
- Mən məmə istəyirəm.
- Yat, ay bala, elə hamı məmə istəyir...
