Sənsiz yatağıma məndən əvvəl qəmin döşənər

Sənsiz yatağıma məndən əvvəl qəmin döşənər
25 dekabr 2012
# 08:00

Kürçaylı Məmmədovun şeirləri

***

Gecələr işıqları daha çox sevirəm, ana,

Sevdiyim qızların heç biri yarım ola bilmədi,

Yarımçıq qaldım,

Bəlkə bundandır o sevgi...

Gecələr musiqiləri daha çox sevirəm, ana,

Ürəyim uyuyur notlarda.

Və bir gün tapmasan

elə notlarda axtar məni...

Gecələr uzaqları daha çox sevirəm, ana,

Uzaqlar yaxınların ümid,

təsəlli yeridir.

Səndən uzaqda yaxşıyam,

Narahat olma.

Vaxtında yemək yemirəm,

Çayım həmişə soyuq,

Tez-tez də xəstələnirəm...

Gecələr yolları daha çox sevirəm, ana,

O yolları ki, “necədir” sualını

dondurub gözlərində,

nigaranlıq yaradıb ürəyində,

bütün yollar sənə aparır əslində...

Gecələr payızı daha çox sevirəm, ana,

yağış ömrü arzuladığım qızın ahı

gecələr daha çox tutur məni bu payız.

Yağış damır taleyimdən

həmin qızın yanaqlarına...

Gecələr ölümü daha çox sevirəm, ana,

İnsanlar tənhalığı sevdiyi kimi

vuruluram ölümün təkrarsızlığına.

Ölürəm hər gecə,

hər səhər məni dünyaya gətirirsən yenidən...

Gecələr ayrılıqları daha çox sevirəm, ana,

Ayrılıqlar müdriklər üçündür.

Bu bomboz, avam insanlar

haradan bilsinlər nədir ayrılıq.

Bu işlək, qarın insanlar

haradan bilsinlər ki,

həyatı sevmək üçündür ayrılıqlar...

Gecələr həyatı daha çox sevirəm, ana,

İşıqları,

musiqiləri,

uzaqları,

yolları,

payızı,

ölümü,

ayrılıqları sevdiyim kimi.

Sevə bilmədiyim yarımçıqlıqdı,

O yarımçıqlıq ki,

sevdiyim qızların heç biri yarım ola bilmədi,

Para qaldım...

***

Bu gecə işıqlarına,

Tənhalıq kölgə salır.

Hərdən sal yadına, məndən

Eh, səndə nələr qalır...

Düşüb yolların ağına,

Sənə doğru gedirəm.

Həsrətin ac, ürəyimi

Ona kabab edirəm.

Sənin telefon nömrəndə,

Barmaqlarım üşüyər.

Sənsiz yatağıma məndən,

Əvvəl qəmin döşənər...

Bir musiqi səni anar,

Sən olmayan otaqda.

Bir oğlan uzanıb qalar,

Üzüqoylu yataqda.

Yağış döyər pəncərəni,

Xatirələr titrəyər.

Nə səndən bir xəbər, nə də

Telefon zəngi gələr.

# 1974 dəfə oxunub

Oxşar xəbərlər

Qaranlıqdan yola çıxan adam - Yeni yazı

Qaranlıqdan yola çıxan adam - Yeni yazı

15:30 13 yanvar 2023
Bizim bir fərqimiz var... - Yeni şeirlər

Bizim bir fərqimiz var... - Yeni şeirlər

16:00 10 yanvar 2023
Dəhşətli qəza - Mərziyə Məlikovanın hekayəsi

Dəhşətli qəza - Mərziyə Məlikovanın hekayəsi

14:20 5 yanvar 2023
Deyəsən, sıra məndədir - Yeni hekayə

Deyəsən, sıra məndədir - Yeni hekayə

13:50 14 dekabr 2022
Unutma, həsrət sonsuz deyil - Yeni şeirlər

Unutma, həsrət sonsuz deyil - Yeni şeirlər

16:00 8 dekabr 2022
Sevinc-kədər - Yeni hekayə

Sevinc-kədər - Yeni hekayə

16:20 19 oktyabr 2022
# # #