Əməkdar artist işdən çıxarıldı-YENİLƏNİB

Əməkdar artist işdən çıxarıldı-YENİLƏNİB
30 noyabr 2012
# 12:20

Gənc Tamaşaçılar Teatrının aktyoru İlqar Cahangirov işdən çıxarılıb.

Məlumatlı mənbənin Kulis.az-a verdiyi informasiyaya görə, onu Mədəniyyət və Turizm Nazirliyini tənqid etdiyinə görə işdən çıxarıblar.

Mənbənin dediyinə görə, aktyorun işdən çıxmaqla bağlı ərizəsi var, amma ərizənin üstü hələ yazılmayıb.

Xəbəri dəqiqləşdirmək üçün teatrın direktoru Mübariz Həmidovla əlaqə saxladıq. Direktor məlumatı nə təkzib, nə də təsdiq etdi.

İlqar Cahangirov isə Kulis.az-a verdiyi açıqlamada bildirib ki, yaxşı pul vəd olunan başqa bir işə getməyi ilə əlaqədar özü işdən çıxmaqla bağlı ərizə yazıb.


Teatrın baş rejissoru Bəhram Osmanov AzadlıqRadiosuna İlqar Cahangirin işdən çıxması haqda ərizə yazdığını söyləyib.

O, bunun səbəbini bilmədiyini deyib.

«Özü belə seçim edib. Kim onu vadar edə bilərdi? Biz normal cəmiyyətdə yaşayırıq. Yaradıcı adamdır. Bəlkə də teatrdakı ünsiyyət və ya yaradıcılıq prosesi xoşuna gəlməyib. Repertuarın qaynar vaxtında işdən getmək məsuliyyətsizlikdir... Aktyor nədir ki, onun nə siyasi baxışı olsun. Aktyor həmişə müəllifin, rejissorun diktəsi ilə həyat sürən yaradıcı şəxsdir. Şişirtməyin əhəmiyyəti yoxdur»,-Bəhram Osmanov deyib.

Xatırladaq ki, İlqar Cahangirov əməkdar artistdir. Cənnət Səlimovanın yaratdığı “Kamera” teatrının aktyoru idi. Həmin teatr ləğv edilib Gənc Tamaşaçılar Teatrının tərkibinə daxil ediləndən bəri aktyor burada çalışır. Mətbuatda üç teatrın bir teatrın tərkibinə qatılmasına və yeni teatrın reperturarına, aktyor seçiminə etiraz edib, Mədəniyyət və Turizm Nazirliyi ilə bağlı tənqidi fikirlər səsləndirib.

# 10516 dəfə oxunub

Oxşar xəbərlər

“İlahi komediya”  filminin hüquqları satıldı

“İlahi komediya” filminin hüquqları satıldı

15:02 25 iyul 2025
Gənc kinematoqrafçılar beynəlxalq festivalda

Gənc kinematoqrafçılar beynəlxalq festivalda

18:44 24 iyul 2025
Kino səfərləri “Kinosəyyah”  proqramı ilə dəstəklənəcək

Kino səfərləri “Kinosəyyah” proqramı ilə dəstəklənəcək

15:50 24 iyul 2025
Benedikt Kamberbetç  mükafata layiq görüldü

Benedikt Kamberbetç mükafata layiq görüldü

11:20 24 iyul 2025
Azərbaycan rejissorunun filmi Venesiya Film Festivalında

Azərbaycan rejissorunun filmi Venesiya Film Festivalında

12:27 23 iyul 2025
Venesiya Film Festivalında yarışacaq filmlər açıqlandı

Venesiya Film Festivalında yarışacaq filmlər açıqlandı

19:05 22 iyul 2025
# # #