Xəbər verdiyimiz kimi, rəqqasə Oksana Rəsulova yeni seriala çəkilir.

Kulis.az-ın axşam.az-a istinadən verdiyi məlumata görə, sənətçinin rəhbəri olduğu “Oksimed” şirkəti tərəfindən lentə alınan ekran işi “Lal yuxu” adlanır.

Oksana əməkdaşımızla söhbətində bildirib ki, ekran işinin ssenarisini 8 il əvvəl yuxuda görüb: “Bu sirri ilk dəfədi açıram. 2009-cu ildə yuxuda bu ssenarini gördüm. Hər gün bir seriyanı görürdüm. Amma obrazları hind aktyorları oynayırdı. Rəfiqəmlə oturub 6 ay ssenarini yazdıq. Həmin ərəfədə hansı telekanala getdimsə, ya sponsor istədilər, ya da pul... 8 ildən sonra arzum gerçəkləşdi, serialımı çəkirəm. Bu işdə mənə "Xəzər" telekanalının rəhbəri kömək əli uzatdı".

Sənətçi hazırda çəkilişlərə başlandığını deyib. Oksana iddia edir ki, bu, Azərbaycanda ən bahalı ekran işi olacaq:

“24 seriyanı 2 ay içində çəkib bitirməliyik. Efirdə hər dəfə 1 saat 20 dəqiqə yayımlanacaq. Bu ekran işi Azərbaycanda bir ilk olacaq. Belə ki, hər seriyanı film kimi rəngləyəcəyik.

Bu yaxınlarda Hindistanda olanda bir hind kanalında "Fatmagülün suçu nə"ni gördüm. Görün türklərdə serial necə inkişaf edib və maraq doğurub ki, hind dilinə tərcümə olunur. İstəyirəm ki, bizim ölkədə də belə olsun. Mən onda şoka düşdüm. Ona görə də çalışacam serialımız çox keyfiyyətli olsun. yeri gəlsə qonorarımı da almayacam.

Bu serialı Xanlar Ağayev və Nadir Mehtiyev çərisə, inanıram səviyyəli olacaq. Çəkilişlərə başlayıb. Artıq hamımız Masazıra köçmüşük, serial lentə alırıq".

• Zemfira Qafarova: "Atam Sibirdə olanda anam boşandı, “Kirpi”nin rəssamına ərə getdi" - Müsahibə
• Şakira İspaniya səhnələrinə qayıdır - Səkkiz illik fasilədən sonra
• İlk sovet serialının ulduzu vəfat etdi