Bu gün Beynəlxalq Çay Günüdür.

Beynəlxalq Çay Günü çayın tarixi, mədəni və iqtisadi əhəmiyyəti haqqında məlumat məqsədi daşıyır.

Kulis.az kinosevərlər üçün çayla bağlı 5 filmi təqdim edir.

"Çayın dadı" (2004)

Yapon rejissoru və yazıçısı Katsuhito İşiinin 2004-cü ildə çəkdiyi film kənddə yaşayan Haruno ailəsinin hekayəsindən bəhs edir. Filmdə Haruno ailəsinin hər anını çay müşayiət edir.

Əsas rollarda: Maya Banno, Takahiro Sato və Tadanobu Asano.

Çay həvəskarları bu fərqli filmdən zövq alacaqlar.

"Hamısı bu çayda" (2007)

Li Blank və Cian Leybrextin çəkdiyi sənədli film.

1990-cı illərdə Devid Li Hoffman ən yaxşı çayı tapmaq üçün Çinə səyahət edir.

Əsas rollarda: Devid Li Hoffman, Sonq Difenq və Verner Herzoq.

"Mussolini ilə çay" (1999)

Franko Zeffirellinin 1999-cu ildə Con Mortimerin ssenarisi əsasında çəkdiyi yarı avtobioqrafik filmdir. Film İkinci Dünya müharibəsindən əvvəl və müharibə zamanı bir qrup ingilis və amerikan qadının əhatəsində yetişən gənc italyan oğlanın həyatından bəhs edir. Hekayədə İtaliyada bəzi elit qadınlar günortadan sonra çay süfrəsində toplaşırlar. Onlar söhbət edib çay içir, siyasi müzakirə edirlər.

Əsas rollarda: Meqqi Smit, Cudi Denç və Coan Plourayt.

"Yozqat bluz" (2013)

Mahmut Fazıl Çoşkunun çəkdiyi film kəndlilərin yaşadıqları dəyişikliklərdən və bunun nəticəsində yaranan dərin emosional çöküşdən bəhs edir. Tənhalıqla çay arasında əlaqə...

Əsas rollarda: Ercan Kesal, Ayça Damqaci, Tansu Biçer.

"Sığınmaq üçün səma" (1990)

Baş rollarını Debra Uinqer və Con Malkoviçin oynadığı filmin rejissoru Bernardo Bertoluççidir. Film Pol Boulzun 1949-cu ildə yazdığı eyniadlı romanı əsasında ekranlaşdırılıb. Əsər ayrılıq təhlükəsi yaşayan cütlüyün Şimali Afrikaya səyahətindən bəhs edir.

Film birbaşa çaydan bəhs etməsə də, filmin sonuna doğru bir bədəvi Debra Uinqerə çay verir.

Əsas rollarda: Debra Uinqer, Con Malkoviç və Kempbel Skot.

• Peyğəmbər haqqında növbəti layihə - "İsanın dirilməsi"
• Kərbəla faciəsini romanlaşdıran adam - Cürci Zeydan haqqında bilmədikləriniz
• "Odisseya" filmi kassa gəlirlərinə görə liderliyini qoruyur