"Rakurs" bülleteninin növbəti sayı çapdan çıxdı

"Rakurs" bülleteninin növbəti sayı çapdan çıxdı
31 iyul 2024
# 10:22

Azərbaycan Kinematoqrafçılar İttifaqının “Rakurs” rüblük bülleteninin cari ilin ilk iki rübünü təqdim edən sayı çapdan çıxıb.

Kulis.az xəbər verir ki, bu saydan etibarən, dərginin üz qapağı bülletenin təqdim etdiyi kino təqviminin parlaq hadisəsinə həsr olunacaq. Dərginin 2024-cü ilin birinci yarısını təsvir edən bu sayının üz qapağı “Sanki yoxsan” filminin posteridir. Film, Kann kinofestivalının rəsmi müsabiqə iştirakçısıdır. Filmin Azərbaycan tərəfindən prodüseri Əli-Səttar Quliyev, quruluşçu rejissoru Azər Quliyevdir. Ənənəvi olaraq, bülleten “Azərbaycan Kinematoqrafçılar İttifaqında”, “Respublikada”, “Xaricdə”, “Çəkiliş meydançalarında”, “Festivallar və müsabiqələr”, “Yubilyar filmlər” və s. rubrikalar üzrə informasiyaları təqdim edir. Bülletenin məqsədi, Respublikada və xaricdə gedən kino proseslərinin salnaməsini yaratmaqdır.

Bülletendə AKİ-nin reallaşdırdığı film nümayişləri, maliyyə ayırdığı filmlər, “Şirvanda kino günləri”, “Arxa cəbhənin insanları” qısametrajlı bədii film ssenarisi müsabiqəsi və s. layihələri haqda məlumatlar yer alıb. Bülleten 2024-cü il 5 mart tarixində Azərbaycan Kinematoqrafçılar İttifaqı və Azərbaycan Respublikası Kinematoqrafçılar İttifaqının birləşmə konfransından sonra ilk buraxılışıdır. Konfrans haqda geniş məlumat da bülletendə yer alıb. Kinematoqrafçılarımızın xarici kino platformalarında iştirakı bülletenin əsas mövzularındandır. “Yubilyar filmlər” və “yubilyar sənətçilər” rubrikalarında geniş materiallar yer alıb.

“Rakurs” rüblük bülleteni Xalq yazıçısı, dramaturq Rüstəm İbrahimbəyovun təşəbbüsü ilə yaradılmış, Azərbaycan Kinematoqrafçılar İttifaqının sədri, Xalq artisti Rasim Balayevin məsləhətilə çap edilir. Bülletenin nəşrə məsulu, Azərbaycan Kinematoqrafçılar İttifaqının katibi Əli İsa Cabbarovdur. “Rakurs” rüblük bülleteninin tərtibatçısı Nəriman Əbdülrəhmanlı, redaktoru Sevda Sultanovadır.

# 717 dəfə oxunub

Oxşar xəbərlər

Qonağı quyuya atan kəndlilər - Kişi qadınsız mövcud ola bilərmi?

Qonağı quyuya atan kəndlilər - Kişi qadınsız mövcud ola bilərmi?

17:00 22 yanvar 2025
“Nizami: daxili aləm” filmi ilk dəfə mavi ekranda

“Nizami: daxili aləm” filmi ilk dəfə mavi ekranda

13:27 22 yanvar 2025
"Qızıl ayı" üçün yarışacaq 19 film

"Qızıl ayı" üçün yarışacaq 19 film

11:00 22 yanvar 2025
Bu seriallar yayımdan çıxarıldı

Bu seriallar yayımdan çıxarıldı

09:23 22 yanvar 2025
Stallonenin yeni filmi sıfır bal topladı

Stallonenin yeni filmi sıfır bal topladı

12:10 21 yanvar 2025
Gedin, o tərəfdə oynayın!  - "Apatiya" filmi haqqında

Gedin, o tərəfdə oynayın! - "Apatiya" filmi haqqında

15:00 19 yanvar 2025
#
#
# # #