Əlixanın ifası onun ürəyini partladırdı... - KVN-dən kinoya

Əlixanın ifası onun ürəyini partladırdı... - KVN-dən kinoya
14 iyul 2025
# 15:04

Kulis.az Sevda Sultanovanın yeni yazısını təqdim edir.

“Baş daşı” qısametraj filminə sırf Azər Quliyevə görə baxdım.

Kinoya sosial mediadan, KVN-dən gələnlərin kino mühitində yetişən müəlliflərlə işləməsi yaxşı tendensiyadır.

Misalçün, “Alatava” serialının, həmçinin, “Qapı” filminin ssenari heyətinə (rejissor: Vüsal Əhmədzadə) Emin Əfəndiyevin dəvət edilməsi nəticəsini verdi.
“Baş daşı”ya gəlincə;

1. Ssenari çox klişedir. Ailə üzvlərinin yadlaşması, sonra hər hansı vəziyyətlə üzləşməsi və haqq-hesab çürütməsi — konflikt kinoda ən çox müraciət edilən hekayələrdən biridir. “Baş daşı”ında bu mövzuyla bağlı maraqlı kontekst, yozum yoxdur.

2. Azər Quliyev rejissor kimi səliqəli işləyib, ona görə də filmdə rejissor mədəniyyəti hiss olunur: mizanların qurulmasında, planların məzmuna xitab etməsində və estetikliyində, operatorla doğru əməkdaşlıqda (operator: İman İmanov). Musiqi həlli də pis deyil.

3. Aktyorlar arasında parlayan Asiman Ağa Rövşən idi. Asiman roldan rola başqalaşa bilən aktyordur, hər dəfə maraqlı detallar tapır.

Deyəsən, bunu bir dəfə yazmışdım, Taleh Yüzbəyovun tragikomik rolları oynamaq üçün yaxşı potensialı var. Dramatik rollarda isə bu qədər uğurlu ola bilmir. Hərçənd, filmin əvvəlki epizodlarının bir neçə məqamında yaxşı oynamışdı. Bilmirəm, bəlkə də, çox peşəkar, təcrübəli rejissorla işləsə fərqli nəticə alınar.

Əlixan Rəcəbov isə...söz də tapa bilmirəm. Stanislavskinin ürəyini partladırdı Əlixanın ifası, yazıq heç “inanmıram” deməyə macal tapmazdı. Başa düşürəm ki, sponsorlar, populyar sima olduğu üçün Əlixanın oynamasını istəyirlər. Təəssüf ki, populyarlıq həmişə keyfiyyət göstəricisi deyil.

4. Dedilər ki, film Asif Rüstəmovun “Mərmər soyuğu”na əsaslanıb, deyəsən, Əlixan Rəcəbov bu filmdən təsirlənib. “Mərmər soyuğu” kimi pis film, yəqin ki, ancaq Əlixanı film çəkəcək qədər təsirləndirə bilərdi

"Sevdalı kino"

# 1429 dəfə oxunub

Oxşar xəbərlər

"Marvel" təsdiqlədi:  İlk “X-Men” filmi çəkiləcək

"Marvel" təsdiqlədi: İlk “X-Men” filmi çəkiləcək

11:08 29 avqust 2025
Kinooperator Zaur Məhərrəmov vəfat etdi

Kinooperator Zaur Məhərrəmov vəfat etdi

01:00 24 avqust 2025
Bakıda VIII ANİMAFİLM Beynəlxalq Animasiya Festivalı  keçiriləcək

Bakıda VIII ANİMAFİLM Beynəlxalq Animasiya Festivalı keçiriləcək

15:00 14 avqust 2025
"Bəs arvadım Şövkət kimindir?.." - Azərbaycan kinosunun 70 illik incisi

"Bəs arvadım Şövkət kimindir?.." - Azərbaycan kinosunun 70 illik incisi

13:17 13 avqust 2025
"Oğru kimi özgəsinin torpağına soxulmayaydın!.."  - Qadın talelərindən cəsarətli film çəkən  görkəmli aktyor

"Oğru kimi özgəsinin torpağına soxulmayaydın!.." - Qadın talelərindən cəsarətli film çəkən görkəmli aktyor

12:07 12 avqust 2025
“Weapons” filmi qorxu janrında ilin hadisəsinə çevrilir

“Weapons” filmi qorxu janrında ilin hadisəsinə çevrilir

11:30 9 avqust 2025
Ana səhifə Yazarlar Bütün xəbərlər