Mirzə Fətəli Axundov haqda film - AYRINTILAR

Mirzə Fətəli Axundov haqda film - AYRINTILAR
24 avqust 2011
# 10:42
“Azərbaycanfilm” kinostudiyasında ədib Mirzə Fətəli Axundova həsr olunmuş bədii filmin çəkilişləri üçün hazırlıq prosesi davam edir.

Kulis.az-ın məlumatına görə kinostudiyada eyni vaxtda bir-neçə filmin çəkilişləri getdiyindən Mirzə Fətəli barədə iki seriyalı tarixi filmin çəkilişlərinə hələ start verilmir.

Bununla belə elə kadrlar var ki, zaman itirmədən onu çəkmək lazımdır.

Odur ki, dəvələrin müşayiəti ilə karvan gedən çöldəki təsvirləri lentə köçürmək üçün çəkiliş qrupu bu günlərdə Goranboy rayonuna yollanacaq.

Bir müddətdən sonra artıq hava şəraiti həmin kadrları çəkməyə imkan verməyə bilər.

Dəvə karvanı üçün yağışlar yox, quraqlığa bürünmüş çöllük gərəkdir.

Filmin daha bir-neçə kadrı İstanbulda çəkiləcək.

Onu çəkmək üçün isə çəkiləcək məkan artıq müəyyənləşib, amma bunu İstanbulda dərslər başlamamış gerçəkləşdirmək lazımdır.

Rayondan qayıdan çəkiliş qrupu birbaşa İstanbula yollanacaq. Ondan sonra artıq sentyabrın sonlarında filmin pavilyon çəkilişləri başlanacaq.

Filmdə rus şairləri M. Y. Lermontov və Bestujev-Marlinskinin də obrazları var.

Yaradıcı qrup həmin rolları oynamaq üçün Moskvadan iki aktyor dəvət etmək fikrindən tez bir zamanda yayınmalı olub.

Hər iki o qədər də tanınmayan aktyor hər çəkiliş günü üçün 8 min manat vəsait tələb ediblər.

Üstəgəl onların burda təşkil olunacaq yemək və qalmaq şəraiti.

Üzü astarından baha başa gəldiyini görən Mədəniyyət və Turizm nazirliyi də bu sevdadan vaz keçib.

Əvəzinə hər iki rolu Azərbaycanın özünün o qədər də tanınmayan aktyorları oynayacaq, hələlik onlar sınaq çəkilişlərindədir.

Mirzə Fətəli Axundovun özünü üç aktyor ifa edəcək.

Biri uşaqlığını, biri gəncliyini, digəri isə orta yaşdan sonra ömrünün axırına qədər olan vaxtı.

Uşaqlığını Bakılı məktəbli, gəncliyini aktyor Elşən Rüstəmov ifa edəcək.

Axundovun yaşlı vaxtını oynamaq Rasim Balayevə təklif olunub.

Aktyor səhhəti ilə bağlı müalicə aldığından hələlik təklifə bir cavab verə bilməyib.

Rejissor isə ondan başqasını bu rolda görə bilmədiyini deyir.

Ssenarisi yazıçı Anara məxsus filmin ekran həlli rejissor Ramiz Həsənoğluya həvalə olunub.

Filmin operatoru Kənan Məmmədovdur.

Ramilə QURBANLI
# 1621 dəfə oxunub

Oxşar xəbərlər

"Ölsəm, bağışla"nın ulduzu 54 yaşında

"Ölsəm, bağışla"nın ulduzu 54 yaşında

14:00 24 iyul 2024
Gənc rejissor:  "O qız hicabsız olsaydı belə, filmdə..." - Müsahibə

Gənc rejissor: "O qız hicabsız olsaydı belə, filmdə..." - Müsahibə

21:00 23 iyul 2024
Brendan Freyzerin yeni rolu məlum olub

Brendan Freyzerin yeni rolu məlum olub

11:58 23 iyul 2024
6 ayda 20 film nümayiş olunub - Hesabat

6 ayda 20 film nümayiş olunub - Hesabat

13:28 22 iyul 2024
"Təəssüf ki, kino mərkəzi fəaliyyətini dayandırdı..." - Açıqlama

"Təəssüf ki, kino mərkəzi fəaliyyətini dayandırdı..." - Açıqlama

10:58 22 iyul 2024
81-ci Venesiya film festivalının posteri bəlli oldu

81-ci Venesiya film festivalının posteri bəlli oldu

10:56 22 iyul 2024
# # #