Kulis.az amerikalı yazıçı Kurt Vonnequtun həyat və ədəbiyyat haqqında sitatlarını təqdim edir.
Kimi yamsıladığımıza fikir verməliyik, çünki sonda həmin adam ola bilərik.
Bir romanı əsəb və nifrətlə qarşılayan tənqidçidə məntiq axtarmayaq. O zirehlənib bir qab dondurmaya hücum edən adama bənzəyir.
Mənim sevdiyim Amerika Ağ Evdə, Ali Məhkəmədə, Senatın binasında, Nümayəndələr Palatasında, yaxud mediada deyil bəlkə də, amma hələ də yaşayır. Mənim sevdiyim Amerika ictimai kitabxanaların ön sıralarında hələ də yaşayır.
Əziz gələcək nəsillər. Xahiş edirəm, üzrümüzü qəbul edin. Neftlə sərxoş olduq.
Əsl terror bir gün səhər oyanıb orta məktəbdəki sinfinizin ölkəni idarə etdiyini görməkdir.
Bütün hallarda – hamımız oxucu olduğumuzdan, bir kommunikasiya mütəxəssisinin bundan sonra nə düşünəcəyimizi deməsinə ehtiyac duymuruq, necə düşünəcəyimizi deməsinə də.
Çıxışlarımda sənətkarların zamanı dayandırmaq missiyası olmasından bəhs etmişəm həmişə. Onlar zamanı durdurduqda insanlar həyatda olmağın gözəlliyini bir az da olsa təqdir edə bilərlər. Bunu kimin bacardığını soruşanda isə cavab belə olub: “Bitlz” (The Beatles.)
Oyanın, ey axmaqlar! Oyanın, sizi pulun çox dəyərli olduğunu düşündürən yuxunuzdan!
Valideynlərinizi incitmək istəyirsinizsə, homoseksuallığa meyllənməyə ehtiyac yoxdur, incəsənətlə məşğul olun. Zarafat etmirəm. Sənət – pul qazanmaq üçün yaxşı yol deyil. Sənət həyatı bir az asanlaşdırmaq üçün insani yoldur. Özünüzü sənətin hansısa bir sahəsinə həsr etmisinizsə, uğur qazanıb-qazanmamağınızdan asılı olmayaraq ruhunuz cənnət eşqiylə ucalacaqdır! Hamamda mahnı oxuyun, radionu açıb rəqs edin. Hekayələr danışın. Bir dostunuza pis, ya da yaxşı bir şeir yazın. Əlinizdən gələnin ən yaxşısını edin. Əvəzində böyük bir mükafat qazancaqsınız.
İnsanların çoxu ümidsizcə onlara bu mesajın gəlməyini gözləyirlər: “Mən də sənin qədər hiss edir və düşünürəm, çoxluğun əksinə, sənin vecinə almadığın şeyləri mən də vecimə almıram. Tək deyilsən”.
