Paqanini axtaran skripka – YENİ ŞEİR

Paqanini axtaran skripka – <span style="color:red;">YENİ ŞEİR
19 oktyabr 2017
# 12:00

Fuad Cəfərli

Kimsəsiz skripka


İlham Tumasa ithaf

Sən bilirsən kimsən?!

Bilmirsən, billah, bilmirsən!

Yoxsa Teymur Bəyazidə gülən kimi gülərsən...


Sən bilirsən kimsən?!

Sus, qoy mən deyim

Qorxma yalan sussa da güzgülər

Uzaqdan aydın görünür şəkillər...

Yox, sən şəkil deyilsən.

Bir də bu dünyada

şəkillərin də heç bəxti gətirməyib.

Kaş bütün şəkillər sən olaydı –

Sənin kimi

öz boyasıyla yuyulaydı,

qırılmadan fırçaları...

Sən Venesiyada

yar qoynunda sol,

Troyada dost boynunda

sağ qolunu itirən kişisən...

Sən Paqanini axtaran

kimsəsiz skirpkasan...

Sən Məmməd Arazın

uçan qalacığısan...

Sən ağcaqayın ağacısan Sibir çöllərində.

Qatarlar nəfəs dərəndə

qızların sarılıb hönkür-hönkür ağladığı...

Sən insanların anlamadığı

Puşkini qucaqlayan məsum gülləsən.

Gecələr

Uzunu aya tutan səssən sən

Sanma ki, səni kimsə görmür,

eşitmir, duymur.

Demə ki, onları əclaflıq qoymur

Yox əclaflığın boyu o qədər də bəstə deyil...


Bir vaxt qayıdacağımız Tumas da gedəcək,

Sən də gedəcəksən mən də gedəcəm.

Bax onda səni gizli tarix qaldırıb çiyinlərə

dirək edəcək ahlara tab gətirməyən göylərə!

# 1179 dəfə oxunub

Oxşar xəbərlər

"Məktəb tikdirmək istəyirsə..." - Şərurlu İsfəndiyara cavab

"Məktəb tikdirmək istəyirsə..." - Şərurlu İsfəndiyara cavab

16:18 4 aprel 2025
Pioner şeypuru və Dədə Qorqud sazı - Salam Sarvanın "tarix dərsi"

Pioner şeypuru və Dədə Qorqud sazı - Salam Sarvanın "tarix dərsi"

17:50 2 aprel 2025
"Milli Kitab 10-luğu" - "İblis"

"Milli Kitab 10-luğu" - "İblis"

21:40 25 mart 2025
Türk poeziyasında sufizmin inkişaf paradiqmaları - Nizami Cəfərov

Türk poeziyasında sufizmin inkişaf paradiqmaları - Nizami Cəfərov

17:10 24 mart 2025
Mühəndisin tamadaya çevrilməsi - Qızının qisasını alan ana kim idi?

Mühəndisin tamadaya çevrilməsi - Qızının qisasını alan ana kim idi?

12:00 24 mart 2025
Folklor və postmodern təhkiyə - Elnarə Qaragözova

Folklor və postmodern təhkiyə - Elnarə Qaragözova

15:00 23 mart 2025
#
#
# # #