İsveçin nüfuzlu "Magnus Boktryckarna" nəşriyyatında Almaniyada yaşayan azərbaycanlı yazıçı-publisist Əzimə Ağalarovanın "Bakıdan Qahirəyə və Stokholma uzanan yol" ("A long trip from Baku to Cairo and Stockholm") kitabı çapdan çıxıb.

Bu barədə Kulisə məlumat verən yazıçı bildirib ki, nəşriyyatın səyi ilə Avropanın 5 ölkəsində - İsveç, Norveç, Finlandiya, Danimarka və Almaniyada kitabın satışı təşkil olunacaq. Avqustun 27-də Stokholm Milli Kitabxanasının və Azərbaycan diasporunun təşkilatçılığı ilə Stokholm Mərkəzi Kitabxanasında kitabın təqdimatı keçiriləcək.

Qeyd edək ki, Əzimə Xaspolad qızı Ağalarova 1959-cu ildə Zərdab rayonunda anadan olub. 1976-cı ildə Zərdab rayonundakı S.Qurbanov adına orta məktəbi, daha sonra isə Azərbaycan Xarici Dillər İnstitutunu (indiki Dillər Universitetini) bitirib. Əmək fəaliyyətinə 1984-cü ildə Daxili İşlər Nazirliyində başlayıb. 1993-cü ildən Almaniyada yaşayır.

“Gecələrdə gizli qaldım” və “Bakıdan Qahirəyə və Stokholma uzanan yol” kitablarının müəllifidir. Birinci kitaba ön sözü filologiya elmləri doktoru, professor Adil Babayev, ikinci kitaba isə Azərbaycan Yazıçılar Birliyinin katibi İlqar Fəhmi yazıb.

• Məşhur aktyor vəfat etdi
• Bu gün hər şey o romandakı kimi olacaq
• Arif Quliyevin oğlu: "Son sözləri o oldu ki..." - Müsahibə