Yenə ölüm gizlənir aldığımız nəfəsdə...
Kulis.az şair Mətləb Ağanın yeni şeirini təqdim edir.
Təzə xəbər - filan yox;
avqust bitdi...yay çıxır...
yenə həmindi yer - göy;
günəş batır, ay çıxır...
...vaxtımızı öldürür
yenə cansız saatlar...
eynidi - dəyişməyib,
familiyalar, adlar...
...yenə on altı edir
dördü vuranda dördə...
eyni sözlər düzəlir
köhnə şəkilçilərdən...
...qumlu sahildən yenə
külək hər şeyi silir...
yenə torpağa yazır
yağışlar nəyi bilir...
...diksinir otağımız
hər səhər eyni səsdən...
yenə ölüm gizlənir
aldığımız nəfəsdə...
...sonra ya zəng vurarsan,
ya qapını döyərsən:
“mən də dəyişməmişəm,
sən də busan” deyərsən...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər