Yədulla Röyayi 1932-ci ildə İranda anadan olub. Müasir fars şeirinin nümayəndələrindəndi. Kulis.Az Elşən Böyükvəndin tərcüməsində Röyayinin iki şeirini təqdim edir.
Sükut
Boğazımda bir dəstə gül idi sükut
Sənin açıq gözlərin
Və öpüşümün əsintisi idi
Sahilin şərqisi
Dənizlərdə külək quşu
Yüzlərcə səsin yuvasında didərgin idi
Dənizlərdə quş
Yorğun idi
İldırımın islaq səsi
Və işıq, ildırımın nəmli işığı
Sularda
Dəniz odu ilə parlayan bir ayna çəkdi
Öpüş əsintisi
Açıq gözlərin və külək quşu alovlandılar
Boğazımda
Bir dəstə gül idi sükut
Çılğın Bahar
Səninlə
Ağaca dırmaşan bir çılğındır bahar
Dırmaşır
Küləyə qədər
Küləklə, ağacdan yuxarı düşürəm
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
