Mayın 22-də Milli Dram Teatrında “Şah və şair” tamaşasının premyerası olacaq. Kulis.Az-ın məlumatına görə tamaşa Mədəniyyət və Turizm Nazirliyinin sifarişi ilə Yazıçı Kamal Abdullanın “Yarımçıq Əlyazma” əsərinin motivləri əsasında səhnələşdirilib.
2004-cü ildə nəşr olunandan müxtəlif ədəbi müzakirələrə səbəb olan “Yarımçıq əlyazma” romanın motivləri əsasında səhnələşdirilən “Şah və şair” tamaşasının cəmiyyətdə maraqla qarşılanacağını söyləməyə əsas var. Əsərdə iki zamanın – orta əsrlərin və müasir dövrün çulğalaşması və bunun vizual olaraq səhnədən tamaşaçıya çatdırılması mürəkkəb texniki vasitələrin köməyi ilə mümkün olacaq.
Tamaşada maraqlı dekorasiyalar, işıq effektlərindən, musiqi və video çarxlardan istifadə olunacaq.
Tamaşanın quruluşçu rejissoru Mikayıl Mikayılovdur. Tamaşada aktyorlar Vidadi Həsənov, Elşən Rüstəmov, Hikmət Rəhimov, Ayşad Məmmədov rol alıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər