Kulis Fərid Hüseynin "Biq Ben" şeirini təqdim edir.
Zamanı öz əqrəblərinlə çarmıxamı çəkmisən,
hər saatın tamamında
açılmaz sirlərin qapısınımı döyürsən?
Gərək saatları başımızın üstə yox,
ayağımızın altına vuraydılar,
biz zamanı başımızı qaldıranda deyil,
məyus-məyus yerə baxanda görməliydik.
Biq Ben, inan ki, vaxt getmir,
sadəcə avtomobil şüşətəmizləyənlərini xatırladan əqrəblərin
yorğun-arğın zamanın tərini silir.
Bir də, dünya belə dünyadı,
hünəri çatmır insanların deməyə ki,
uşaqların əlləri böyüklərinkindən daha çox öpülməlidi.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
