Bu gün şair Şaiq Vəlinin vəfatının bir ili tamam olur. O, 1950-ci ildə Qazaxda anadan olub. Moskvada Qorki adına Ədəbiyyat İnstitutunun poeziya şöbəsini bitirib.
Faciəvi ömür yaşayan şair uzun sürən xəstəlikdən sonra ötən il fevral ayının 6-da vəfat edib, fevral ayının 7-də Sumqayıtda dəfn olunub.
Kulis.Az Şaiq Vəlinin “Oldu” şeirini təqdim edir.
Oldu!
Oldu, deyilənlər oldu,
Olacaqlar olacaqlar!
Soldu, açıldı gül… soldu,
Solacaqlar solacaqlar.
Almazlar almaz kamını,
Fələk söndürər şamını…
Haqdan dolan eşq camını
Alacaqlar alacaqlar!
Daş olacaq daş olacaq!
Quş olacaq quş olacaq!
Boşalacaq boşalacaq,
Dolacaqlar dolacaqlar.
Bitəcəklər bitəcəklər,
İtəcəklər itəcəklər!
Gedəcəklər gedəcəklər,
Qalacaqlar qalacaqlar!
Ağla, gülməzlər gülməzlər,
Öl! Ölməzlər ölməzlər…
Məni bilməzlər bilməzlər,
Biləcəklər biləcəklər!
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər