Fransada fəaliyyət göstərən “Kəpəz” nəşriyyatının rəhbəri, naşir Nicat Kazımovun “Madam Floranın rəngli daşları’’ adlı romanı Bakıda işıq üzü görüb.
Kulis.azın verdiyi xəbərə görə, “Fabula” nəşriyyatında çap olunan kitab 2015-ci ildə fransız dilində “Pantheon’’ nəşriyyat evində, 2016-cı ildə isə rus dilində “Rusiya Hüquqşünasları Mərkəzi’’ndə nəşr edilib.
“Madam Floranın rəngli daşları” müəllifin ikinci romanıdır.
Romanda hadisələr Fransada cərəyan edir. Parisdə yaşayan və nə işə, nə də yaradıcılığa həvəsi olan Lafayet yazmaq üçün Korsika adasına gedir. O, burada iranlı inqilabçı olan qonşusu ilə tanış olur. Əfşar öz həyatını danışdıqdan sonra Lafayet onu mövzu kimi seçir. Romanda sevgilinin həsrəti ilə vətən həsrəti bir-birinə qarışır. Sürprizlərlə dolu süjet faciələr, iztirablar və ülvi amal uğrunda fəda edilən canlarla daha da maraqlı olur
Kitab hazırda “BookZone” mağazalarında satışdadır.
Tezliklə Bakının və Gəncənin digər mağazalarında da olacaq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
