YELLƏ, QADASI
Mən də düşüb zamanın
İşsizlik azarına
Başqa bir yol tapmayıb
Getdim qul bazarına.
Bir az dayanmışdım ki,
Yaxınlaşdı bir ağa
İş verəcəyəm deyə
Maşınıyla apardı
Dəbdəbəli bir bağa
Soyunub paltarını
Uzandı yelləncəyə,
Dedi ədalı dillə:
- Yellə, qadası, yellə.
Nitqim tutuldu sanki
Əməyə bax, əməyə
Pul alacağam deyə,
Başladım yelləməyə.
Xeyli yellədim onu
Lap yoruldu qollarım
Bu an düşdü yadıma
Mənim ömür yollarım.
Hərdən ağrı verirdi
Qəlbimə dəyən güllə.
Yenə həmin səs gəldi:
- Yellə, qadası, yellə.
Dözmədi əsəblərim,
Ağanın sifətinə
Yamadım bircə şillə,
Bir nərə çəkdi ağa,
Səsi yayıldı bağa,
Tutdu məni… nə isə,
Düz gətirdi polisə.
Rəis də heç baxmadan
Qarasına, ağına,
Saldı məni o gündən
Polisin öz bağına.
İndi yer belləyirəm
Burdan hər keçən polis
Sataşır acı dillə:
- Yelləmək istəmədin?..
Bellə qadası, bellə.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Sevgilisi ilə səyahətə çıxdığı qatar çaya düşdü, anasını bağışlamadı... - Arvadı niyə onun məktublarını muzeyə təhvil vermişdi?
15:00
7 fevral 2026
"Pulitser"dən imtina edən Nobel mükafatçısı - O, hekayələrini hansı yazıçıya satmışdı?
13:30
7 fevral 2026
"Bu toyun axırında gəlinin üzünün duvağı açılmır..." - Hüseynbala Mirələmov oxucu ilə niyə açıq söhbət edir?
12:00
7 fevral 2026
Günahı başqalarında axtarmaq ehtiyacı... - Mətanət Vahid
14:15
30 yanvar 2026
"Onun yaradıcılıq nümunələri sanki mətnin ortasında qurtarır..." - “Səksənincilər" layihəsindən Kamran İmranoğlunun essesi
10:00
30 yanvar 2026
"Heç kim bizim qədər xoşbəxt ola bilməzdi" - Virciniya Vulf niyə intiharı seçmişdi?
15:00
25 yanvar 2026
