ADR və sonrakı tarixin canlı salnaməsi

Ədəbi tənqid

Ana səhifə
Ədəbi tənqid

ADR və sonrakı tarixin canlı salnaməsi - İLK DƏFƏ

18 may 2011

15:16

“Qanun nəşrlər evi” Zakir Sadatlının Türkiyə türkcəsindən dilimizə uyğunlaşdırdığı, “Əziz Alpoud. Həyatımın hekayətləri” kitabını nəşr edib. Kitabın tərtibatçısı və ön sözün müəllifi də Zakir Sadatlıdır.

Kulis.az-ın Qanun.az-a istinadən yaydığı xəbərə görə bu kitabı XX əsrin tam yarısının Azərbaycan azadlıq hərəkatının canlı ensiklopediyası adlandırmaq olar.

Nəşriyyatın rəsmi təqdimatında kitabın məzmunu geniş izah edilir:

“Müəllif bu prosesdə şəxsən iştirak eləyib, həm də təkcə iştirak etməklə qalmayıb, hadisələrin yönləndirilməsi və şəkilləndirilməsində müəyyən rol oynayıb. Bu baxımdan da əsər çox canlı, cana yaxın, insanın qanını donduracaq səviyyədə təsirlidir. Kitab oxucuya o günləri canlı yaşamaq olur. Demokratik Respublikanın qurulması, XI Qırmızı ordunun ölkəmizi işğal etməsi, dəhşətli bolşevik zindanları, hazırlanan qiyamın beşikdəcə boğulması, Sibirə qədər aparan vahiməli yol, dövrün tanınmış şəxsləri ilə bu yolları birgə keçmək – oxucu kitab boyu hadisələrin içində olur, bəzən qəzəblənir, bəzən göz yaşı tökür, bəzən də eynən müəllif kimi sabaha qırılmaz ümidlə yaşayır.

Əziz Alpoudun (həqiqi adı Mirəbdüləziz Seyid) Sibir sürgünündən necə inanılmaz yolla qurtulması, ailə faciəsi, öz azadlığına doğru min kilometrlərlə velosipedlə getdiyi qanlı-başlı yollar, Adolf Hitlerə məktubu və aldığı cavab, Atatürklə dostluğu, Alparslan Türkeşlə əqidədaşlığı, Azərbaycanın dünya boyu səpələnmiş istiqlal mücahidləri ilə sıx əlaqəsi kitabda son dərəcə təsirli şəkildə təsvir edilməklə əsəri son dərəcə oxunaqlı edir.”

Xatırladaq ki, Zakir Sadatlının üzə çıxardıxı əlyazma ilk dəfədir ki, kitab şəklində nəşr olunur.
Hələlik 500 nüsxə çap olunan kitab 652 səhifədir. Qiyməti: 12 AZN-dir.

Günel ƏSGƏRZADƏ