Kulis.az Molla Pənah Vaqifin erotik şeirlərini təqdim edir:
Ola
Xublar arığından yarımaq olmaz
İyidin həmdəmi gərək çağ ola
Bəstə boylu gərək, mina gərdənli
Zülfü siyah, var əndamı ağ ola
Döşün açıb əl dəyəndə yaxaya
Ağ gülün bağrına peykan toxuya
Bədənindən müşki ənbər qoxuya
Zülyü gərdənində bir qucaq ola
Bir mayabud gərək, baldırı yoğun
Sərasər ət basa dizin, topuğun
Əl vuranda dura buğumbabuğum
Titrəyə, quyruqdan çox yumşaq ola
Hayası üzündə, əqli başında
Öldürə Vaqivi gözü-qaşında
Ya on üç, ya on dörd, on beş yaşında
Nə ondan böyükrək, nə uşaq ola...
Öpəydim
Əldə ayna, gözə sürmə çəkəndə
Ala gözün bulağından öpəydim
Zənəxdanın çevrəsindən, xalından
Qələm qaşın qabağından öpəydim
Zülf ilən bəzənib gələndə üzün
Yenə can almağa qəsd edir gözün
Vəsfi-zəbanından çıxanda sözün
Dilin, dişin, dodağından öpəydim
Alaydım yaşmağın, açıb kəmərin
Çıxarıb əynindən zərbafın, zərin
İyləyb-iyləyib zülfi-ənbərin
Üzdən sonra buxağından öpəydim
Vaqifin bağrını döndərib közə
Yar odur yarının gövrünə dözə
Yarım sallanıban gələndə bizə
Düşübən əl-ayağından öpəydim
Gəlin
Başına döndüyüm, suların yolu
Gedəndə boş gedir, gələndə dolu
Ağ məmə üstündən çatının zolu
Sən qıysan, mən sənə qıymanam, gəlin!
Başına döndüyüm, telli-toqqalı
Qaşların canımı haqq-nahaqq alı
Ağarıbdır, qırxmaq olmaz saqqalı
Vallah, üzün üstə qoymanam, gəlin!
Taxtına çıxmanam, taxtın ucadır
Qoynuna girmənəm, yarı gecədir
Deməginən «Molla Pənah qocadır»
Səni tamam yesəm, doymanam, gəlin!
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Unudulmuş Nobel mükafatçısı - O, reenkarnasiya haqqında hansı şah əsəri yazıb?
17:05
2 iyun 2026
Seymur Baycanın və Günel Mövludun yerinə utanıram - Ulucay Akif
13:00
2 iyun 2026
Alfa nəslinin ədəbiyyatı - Uşaqların diqqətini maraqsız mətnlə cəlb etmək mümkündürmü?!
16:00
1 iyun 2026
"Ağlaya-ağlaya əlyazmalarımı yandırırdım..." - Anna Zegers ölüm düşərgəsi haqqında nə yazmışdı?
13:30
1 iyun 2026
"Qarabağda doğulan azadlıq şəfəqləri Qərbi Azərbaycana da düşəcək" - Bəhruz Niftəliyev
10:40
1 iyun 2026
"Atalar və oğullar" problemi həmişə oğulların lehinə həll edilmir... - Tanınmış alim xatirələrində nə yazırdı?
09:48
1 iyun 2026
