Kann mükafatı almış film Bakıda

Nuri Bilge Ceylanın “Qış yuxusu” filmi Bakıda nümayiş olunacaq. Kulis.az -ın məlumatına görə film 18 sentyabr 2 oktyabr tarixlərində “28 Cinema” kinoteatrında göstəriləcək.

Müasir türk kinematoqrafiyasının ən məşhur nümayəndələrindən biri olan rejissor Nuri Bilge Ceylanın “Qış yuxusu” filmi 2014-cü ildə istehsal olunub. Üç saat 16 dəqiqə davam edən filmin baş rollarında Haluk Bilginer, Melisa Sözen, Demet Akağ kimi məşhur aktyorlar çəkilib.

“Qış yuxusu” filmi 2014-cü il Kann Festivalında “Qızıl Palma budağı” mükafatını alıb.