Adil Mirseyid vəfat etdi

Adil Mirseyid vəfat etdi
17 iyul 2014
# 08:58

Tanınmış şair Adil Mirseyid dünyasını dəyişdi. Bu barədə AYB-nin mətbuat xidmətinin rəhbəri Xəyal Rza öz facebook səhifəsində məlumat verib.

O yazıb: “Durna olmaq istəyirdi bu bahar... Arzusuna çatdı... Dəyərli rəssamı, dəyərli şairi itirdik... Qoruya bilmədik... Adil Mirseyid getdi! ALLAH rəhmət eləsin!”

Kulis.Azın məlumatına görə şair bu gün səhər, saat 7 radələrində rəhmətə gedib. O, bu gün doğulduğu Ağdaş rayonunda torpağa tapşırılacaq.

Məlumat üçün qeyd edək ki, A.Mirseyid uzun müddət idi qaraciyər serrozundan əziyyət çəkirdi.

Adil Mirseyid 1952-ci il dekabrın 21-də Ağdaş şəhərində ziyalı ailəsində anadan olub. Orta məktəbi bitirdikdən sonra Əzim Əzimzadə adına Azərbaycan Dövlət Rəssamlıq məktəbində təhsil alıb (1970-1976). Bir müddət təyinatla göndərildiyi Dağıstan Respublikasında işləyib (1975-1978). Sonra Bakıda müxtəlif vəzifələrdə çalışıb (1978-1983). Ağdaş rayonu Füzuli adına Mədəniyyət Evinin Xalq Teatrında rəssam (1983-1987), Azərbaycanın Xarici Ölkələrlə Dostluq və Mədəni Əlaqələr Cəmiyyətində rəssam (1990-1992), Azərbaycan Tərcümə Mərkəzinin "Yol" ədəbiyyat qəzetində iki il redaktor vəzifələrində çalışıb (1992-1993).

Allah rəhmət eləsin.

# 1624 dəfə oxunub

Oxşar xəbərlər

# # #