Mədəniyyət və ədəbiyyat sahələri üzrə dövlət mükafatı verildi

Azərbaycan prezidenti İlham Əliyev 2014-cü il üçün Azərbaycanın elm, mədəniyyət və ədəbiyyat sahələrində dövlət mükafatlarının verilməsi haqqında sərəncam imzalayıb.

Kulis.az-ın məlumatına görə, sərəncama əsasən, dövlət mükafatları aşağıdakı şəxslərə verilib:

Elm sahəsi üzrə

Tofiq Murtuza oğlu Nağıyev – “Hidrogen peroksidlə koherent-sinxronlaşmış oksidləşmə reaksiyaları” (ingilis dilində, Amsterdam) monoqrafiyasına görə

Mədəniyyət sahəsi üzrə

Oqtay Seyid Hüseyn oğlu Sadıxzadə – Azərbaycan təsviri sənətinin inkişafında xidmətlərinə görə

Ramiz Eyyub oğlu Quliyev – konsert-ifaçılıq fəaliyyətinə görə

Ədəbiyyat sahəsi üzrə

Elmira Hüseyn qızı Axundova – “Heydər Əliyev. Şəxsiyyət və zaman” altı cildlik sənədli-bioqrafik kitabına görə.