Əfsanə

Otaq-otaq səni gəzdim

Bir otaq,

İki otaq,

Üç otaq,

Heç birində yoxdun.

Yoxluğun məni o evdən qovdu.

Yenə gələcəm

Səni tapacam

Qovsanda getməyəcəm...

***

Kişilər cəhənnəmin dibinə getsin!

Diri-diri yansınlar

Nalələri bu dünyada eşidilsin!

əzablardan qurtulmaq üçün

qadınların ayaqları altına döşənsinlər.

bu dünyada cəhənnəm əzabı yaşatdıqları qadınların...

biz onları bağışlamayacağıq!

Dirilib yenə yansınlar!

Yenə!

Yenə!

Cəhənnəmdə yaşamağın nə olduğunu anlayana qədər...

Məni kim öldürdü?!

Günel İmrana

Məni kim öldürdü?!

Səbir kasamın genişliyi,

Hər kəsi olduğu kimi qəbul etmələr,

Qışın qış günündə ürəyimin alışıb yanmağı,

Yayın cırhacırında üşüməyim.

Susdum, susdum

Ruhumu sükutumda boğdum

İçimdə ağladım, ağladım

Göz yaşım boğazıma çatdı boğuldum

Möcüzə gözlədim, gözlədim

Bu da mənim sonuncu axmaqlığım!

Ümid deyilən o əclafa uymuşdum...

Həmid Herisçiyə

Ölən ümidlərin qəbiristanlığıdır burası.

Ümid öləndə sol tərəfdə heç nə işləmir.

“Sağ” nəyə ümid edib böylə canfəşanlıq edir?!

De görüm axı, “sağ əl” nəyə yaradın

Qaşıq qaldırmaqdan,

Qələmi kağızlara sürtməkdən başqa!?

Sən, “Sağ ayaq” nə etdin

keçi kimi qabağa qaçmaqdan özgə!

“Sağ çiyin” tabut daşıyırsan yaranandan

Təəssüf...

Ona görə adam həyatdan bezir

“Sağ” qalmaq istəmir...

• Gizli duyğu - Ayzek Azimovun hekayəsi
• Cem Yılmaz ödənişli abunəliyə başladığını açıqladı
• KVN komandasının kapitanı vəfat etdi