writer1

Cəlil Cavanşir

Məqalə sayı

294
clock13:33 calendar-gray 17 Aprel 2014 view-gray2518 dəfə oxunub
view-gray2518 dəfə oxunub

Absurd dialoqlar...

Cəlil Cavanşir yazır...

Kafenin əldən-ayaqdan uzaq bir küncünə çəkilib yazacağım hansısa yazının konturlarını fikirləşirəm. Sifariş verdiyim acı qəhvə gecikdiyi üçün bir siqaret yandırıb qarşımdakı qeyddəftərinə cızma-qara edirəm. Qismətin absurd dialoqlarla bağlı yazdığı yazı hardan yadıma düşürsə, bilmirəm. Qeyri-iradi yaddaşımı qurcalayıb, absurd dialoqları xatırlayıram.

Kafenin səliqə-sahmanlı, şirindilli, qayğıkeş və işinin vurğunu ofisiantı allah bilir neçənci dəfə yaxınlaşıb eyni sualı verir:

- Müəllim, başqa bir istəyiniz varmı?

Hər dəfə eyni reaksiyanı verirəm. Əlimlə heç nə istəmədiyimə işarə edirəm. Bir neçə dəqiqə keçmiş həmin o şirindilli ofisiant sifariş verdiyim acı qəhvəni masaya qoyur:

- Müəllim, niyə fikirlisiniz?

***

Dayanacaqda siqaret tüstülədirəm. Yolum Xırdalanadır. Taksi sürücüsü qulağımın dibində bağırır:

- Xırdalana bir nəfər, Xırdalana bir nəfər....

Heç olmasa bir sürücünü susdurmaq üçün taksilərdən birinə əyləşirəm. Taksi yerindən tərpənən kimi, yaşlı sürücü söhbətə körpü salır:

- Görürsən də, bacıyoğlu? Hamısı tökülüb gəlib kəttən, Bakını çeviriblər bardağa.

- Mən də kənddənəm, ağsaqqal...

- Həri???

- Bəli, özü də dağ kəndindən.

- Rəssam dögürsən?

- Yox.

- Amma rəssamlıx yaxşı sənətdü.

***

Gecə saat 23:40. Yatağa girməyə hazırlaşıram. Telefonuma tanımadığım nömrədən SMS gəlir. SMS sahibi adını yazmağı vacib bilməyib və simvol sayına qənaət eləmək üçün bəzi sözləri ərklə qısaldıb.

“Salam Cəlil m. Ncsnz? Nömrəvizi dostrarıvızdan almışam. Mənə bir işdə kömək edin zəhmət olmasa. “Kamal Abdulla postmodernist yazıçı kimi”- 3 səhifəlik yazı lazımdır. Dissertasiya işimə görə istəyirəm. Çox xahiş, sabaha lazımdı. Yaza bilərsiniz? Amma yazdığınız və oxunulan yazılardan olmasın”.

Naməlum mesaj sahibinə cavab yazıb belə bir yazını yazmaq üçün ən azı bir gün vaxt lazım olduğunu və indi bu yazını yazmaq üçün müsait olmadığımı izah edən cavab yazıram. Eyni zamanda gecənin bu vaxtı aldığım mesaj əsəblərimi qıdıqladığı üçün, nömrəmi kimdən aldığını, özünün kim olduğunu soruşuram. Aldığım cavab heyrətamizdir:

“Neynirsiniz kim verib? Daha nə önəmi var ki?”

***

- Salam bırat, deyəsən şeir yazırsan?

- Salam. Əhsən, düz tapmısan. Hardan bildin?

- Kimsə statusunuza şərh yerində yazmışdı ki, “Sağ ol, şair”.

***

- Müəllim, salam. Mənim şeirimi oxuyub obyektiv qiymət verə bilərsiniz?

- Salam. Üzr istəyirəm, indi məşğulam. Mütləq baxaram.

- Hamıvız beləsiz də. İki dənə şeiriniz çıxan kimi bizi bəyənmirsiz. Ayıb olsun. Belə yekəxana olmağı sizə yaraşdırmıram. Sizdən başqa da şeir yazanlar var. Bu qədər lovğa olmayın.

- Axı indi məşğulam...

- Nolsun? Dünya dağılar işinizi atıb şeir oxusanız?

***

“Dinlər, təriqətlər, peyğəmbərlər” adlı son kitabım nəşr olunub. Ara-sıra oxucuların təbrik, təqdir mesajları gəlir. Hərə bir cür münasibət bildirir. Mesajlardan biri yenə tam “12-likdən”dir:

“Mən bütün dinləri, qövmləri araşdırdım. İçərisində ən bədbəxti sənsən Cəlil Cavanşir. Bu kitaba görə cəhənnəmdə yanarsan, inşallah. Allah sənə lənət eləsin”.

Düzünü deyim ki, bərk pərt oluram. Pərtliyimə baxmayaraq cavab yazıram:

- “Kitabı oxumusunuz?”

Cavab çox lakonikdir:

- “YOX”.

REKLAM

Yazarın digər yazıları

Xəbər lenti

Xurşudbanu Natəvana layihə həsr olundu - Video
12:20 15 Avqust 2020
Tanınmış bəstəkar koronavirus peyvəndinin sınaqlarında könüllü oldu
11:01 15 Avqust 2020
Məşhur gitara ifaçısı vəfat etdi
10:28 15 Avqust 2020
Bu filmə görə 400 nəfər işdən çıxarılacaqdı – Rejissorların boyun qaçırdığı Azərbyacan filmi
08:57 15 Avqust 2020
Daha bir nəşriyyat Polad Həşimovla bağlı kitab nəşr etdi - Foto
18:36 14 Avqust 2020
Ayı balalarını oğurlayan çoban - Qorxmaz Şıxəlioğlu yazır...
17:14 14 Avqust 2020
Tom Kruzun çəkildiyi filmin meydançasında yanğın baş verdi
16:05 14 Avqust 2020
Xalq artistinin qızı atasının şeirlər kitabını nəşr etdirəcək
15:19 14 Avqust 2020
Oğlu Xalq artistinə klip çəkdi - Video
14:28 14 Avqust 2020
Əsl adı Pənah idi, kasıb atası ona yalnız keçi dərisindən dəf düzəldə bildi - Sürücü, vaqon ustası, montyor Alim Qasımov - Maraqlı faktlar
13:32 14 Avqust 2020
Almaz Ələsgərli efirdə erməni mahnısı oxudu - Video
12:38 14 Avqust 2020
"Sevastopol uğrunda döyüş"ün qəhrəmanı vəfat etdi
12:17 14 Avqust 2020
Bizi kütləvi öldürmək məsələsi... - Bütün bunlar masonların işidir?
11:27 14 Avqust 2020
Gənc yazara ağır itki üz verdi
10:39 14 Avqust 2020
Filmimiz beynəlxalq festivalda mükafat qazandı
10:00 14 Avqust 2020
Məni şərləyib qardaşımın gözündən salmaq istəyirdi - Bircənin romanı
08:59 14 Avqust 2020
Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020