Türk rejissor deputat oldu

Kino

Ana səhifə
Kino

Türk rejissor deputat oldu

13 iyun 2011

16:46

Türkiyədə dünən keçirilən seçkilərdə bir çox məşhurlar parlamentdə yer aldı.

Yeni deputatlardan biri də Barış və Demokratiya Partiyasının dəstəklədiyi müstəqil namizəd rejissor və aktyor Sırrı Süreyya Öndər oldu.

“Beynəlmiləl” filminin rejissoru Sırra Süreyya Öndər seçkilərin nəticələri açıqlanan-açıqlanmaz BDP-nin binası önünə gəlib.
Seçiciləri ilə görüşən Sırrı Süreyya: “İnqilabçılar belə bir həmrəylik göstərəndə xalq da bunu dəstəklədi, qəlbini açdı. Bunun qiymətini bilmək də bizim borcumuzdur. Biz “barış istəyirik” dedik. Biz “bizim və sizin azadlıqlarınızı yedirtmərik, bunu istəyirik” dedik. Biz dedik ki, “övladlarımızı sizin bu çirkin müharibələrinizdə öldürtməyəcəyik. Nə türkün, nə kürdün anası, heç kimin anasını ağlatmayacağıq”.
Sırrı Süreyya Öndər rejissoru olduğu “Beynəlmiləl” filminə görə dəfələrlə beynəlxalq və yerli müsabiqələrin sahibi olub. “O... çocukları” filminin ssenarisini yazıb. “Sis və gecə”, “Beynəlmiləl” filmlərində aktyor kimi çıxış edib.

Günel Əsgərzadə