Fevralın 6-da Amerika rejissoru Uess Andersonun yeni “Otel “Qrand Budapeşt” filmi ilə açılan 64 –cü Berlin kino festivalı fevralın 17-dək davam edəcək. Kulis.az-ın rosbalt.ru saytına istinadən verdiyi xəbərə görə, festival çərçivəsində 400-ə yaxın film nümayiş olunacaq ki, bunlardan 20-i əsas proqramda festivalın baş mükafatı olan “Qızıl Ayı” uğrunda mübarizə aparır.
Bu il baş mükafata iddia edən filmlər arasında Amerikalı rejissor Riçard Linkleyterin “Yeniyetməlik”, 91 yaşlı fransız kinematoqrafşısı əfsanəvi Alen Renenın “Sevmək, içmək, oxumaq” filmi də daxildir.
əsas müsabiqə proqramında həmçinin fransız Rəşid Buşarebin “Düşmənin yolu”, yapon filmi “Balaca ev”, Amerika filmi “Yüksəkdə” və yunan Yannis Ekonomidesin “Lay” filmi var.
bundan əlavə müsabiqə proqramına Almaniyadan, Argentinadan, Norveçdən, Avstriyadan, İspaniyadan, Çindən filmlər daxil olub.
Xatırladaq ki, məşhur “Qozbel dağlar” filminin prodüseri Ceyms Şamusun rəhbərlik etdiyi jüri laureatları fevralın 15 də elan edəcək.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər