writer1

Sevda Sultanova

Məqalə sayı

835
clock10:53 calendar-gray 02 İyun 2011 view-gray5831 dəfə oxunub
view-gray5831 dəfə oxunub

İlham Mirzəyevin dedi-qodusu

Teleaparıcı, psixologiya elmləri namizədi, astroloq, şair İlham Mirzəyevin humanist, qayğıkeş obrazı, qadın dedi-qodusu ruhunda söhbətləri, sualları məni qıcıqlandırmır. Əksinə, məzəli gəlir. Hətta o bu istedadı ilə komediya filmində və ya tamaşada uğurla oynaya bilərdi.

Di gəl ki, İ.Mirzəyev televiziyaya dəxli olmayan adamdır. Daha doğrusu, bu gün telekanallarda çalışan çoxlu sayda təsadüfi adamlardan biridir.

Yazımda İ.Mirzəyevin aparıcısı olduğu “Bizi barışdırın” tok-şousundan danışacam.

Yaxınlara qədər adını çəkdiyim tok-şoudan bixəbər idim. Günlərin birində Space kanalında haray-həşirlə, təhqirlə, qarğışla rastlaşdım. Məni maraq elə bürüdü ki, studiyada nələrin baş verdiyini, hisslərini cilovlunu buraxan qadınların, kişilərin qəzəbinin motivini anlamaq üçün proqramı sona kimi izlədim.

Məsələnin məğzini qisaca anladım: gənc bir kişi tələbə vaxtı sevdiyi qızın bakirəlyini “əlindən alıb”( doğrusu burda bir qədər düşünməli oldum. Əcəba, nə yazsam daha uyğun gələr? “Əlindən almaq”, “pozmaq”- əziz oxucular, başqa variantlarınız varsa, o zaman seçimi sizin öhdənizə buraxıram) və sonra onunla evlənməyib.

Bəzi melodramatik filmlərdə olduğu kimi -başqa qadınla evlənən kişinin ailə həyatı çox uğursuz olub. Qəhrəman barmağını dişləyib və anlayıb ki, ey dili qafil, uğursuzluqları onun nə zamansa etdiyi günahının nəticəsidir.

İ.Mirzəyevin verilişinə pənah aparan kişi cavanlıq səhvini gec də olsa düzəltməyi qərara alır və mərhəmətli astroloqdan onu qızla barışdırmağı xahiş edir. Və beləcə məsələ ictimaiyyətin müzakirəsinə çıxarılır.

Predmetin tragikomik, dəvət olunan iştirakçıların saxta və ya həqiqi olub-olmaması məsələsini bir kənara buraxıb, tamamilə başqa məqamlardan danışaq.

Təbii ki, tok-şouda “dar ağacına çəkilən” gənc kişi idi. Adam hadisəni nəql edəndən sonra studiyada ona ünvanlanan təhqir yağışına məruz qaldı:

“Nə qədər bişərəf, axırıncı adam olasan ki, belə bir ziyalının, şəxsiyyətin (yəni İ.Mirzəyevin- S.S) verilişinə gələsən”.

“Səni görüm maşın altında qalasan”.

“Utan, utan üzün də var danlşmağa”.

“Biqeyrət oğul”.

“Sən əxlaqsızsan”.

“Sən səviyysəsiz ailənin oğlusan” və s.

Sonra studiyaya daxil olan, uğursuzluqların səbəbkarı qadın da kişiyə bir neçə “daş” atdı:

“Sən bişərəf, binamussan ki, məni aldatdın”

Söyüşləri, təhqirləri sakitcə, ləzzətlə izləyən və üzündə məmnunluq ifadəsi dolaşan İ.Mirzəyev isə kişiyə “sənə demişdim ki, başını tumarlamayacaqlar” söylədi.

Çoxsaylı titullarının olmasına rəğmən İ.Mirzəyevin televiziyanın qanunları, jurnalistika haqda ən zəruri, adi bilgiləri almağa ehtiyacı var.

İndi mütəmadi olaraq yerli və əcnəbi mütəxəssislərin iştirakı ilə jurnalistika kursları keçirilir. İ.Mirzəyevin arada belə kurslara baş çəkməsi onun üçün faydalı olardı.

Əgər vaxtı yoxdusa, o zaman onun üçün burda bir-iki zəruri qeyd edə bilərəm.

“Bizi barışdırın” janrına görə tok şoudur. Və tok-şou Linç məhkəməsi demək deyil.

Mənbəyini ingiliscədən alan “talk show” danışıq, söhbət şousu anlamına gəlir. Yəni tok-şouda söymürlər, təhqir etmirlər, əksinə insanlar bir- birinin heysiyyatına toxunmadan, sivil şəkildə fikrilərini sərbəst ifadə edir.

Jurnalist, teleaparıcı - hakim və ya müstəntiq deyil. O,

- mövqelərindən asılı olmayaraq müsahiblərin hüquqlarına hörmətlə yanaşmağı bacarmalı,

- müsahibin ona ünvanlanan tənələrə cavab verməsi üçün imkan verməli,

- bütün tərəflərə fikirlərini ifadə etməsi üçün eyni şəraiti yaratmalı,

-tərəfsizlik nümayiş etdirməli,

-söyüşün, təhqirin səslənməsinə yol verməməlidir.

Hətta müsahib ən qatı cinayətkar olsa belə jurnalistin onu ittiham və təhqir etməyə, başqalarına da bu şəraiti yaratmağa ixtiyarı yoxdur.

....”bilməm anlata bildimmi?”
REKLAM

Yazarın digər yazıları

Xəbər lenti

Bəy ailəsində doğulsa da kimsəsiz böyüdü, Cəfər Cabbarlı ilə sinif yoldaşı oldu, gözləri görməyə-görməyə tamaşa oynadı – Kinomuzun Rüstəm bəyi
16:30 05 Dekabr 2020
Ceyms Bondun tapançası satıldı
15:45 05 Dekabr 2020
“Humay” mükafatının qalibləri məlum olub
14:35 05 Dekabr 2020
Birinci arvadını öldürməklə fəxr edən adam – Eyvaz Əlləzoğlunun hekayəsi
13:30 05 Dekabr 2020
Hüseyn Caviddən gözəl bir qoşma - Günün şeiri
12:30 05 Dekabr 2020
Oskar mükafatının təqdimetmə mərasimi virtual keçirilməyəcək
11:15 05 Dekabr 2020
Həvəskar və peşəkar rəssamlar arasında rəsm müsabiqəsi keçirirlir
10:12 05 Dekabr 2020
Fuad Poladov: "Bir qız zəng vurub evimizə deyib ki, Fuadı Rostovda öldürüblər" - Müsahibə
09:01 05 Dekabr 2020
Beynəlxalq müsabiqədə şəhidlərimiz yad edildi - Ukraynada
20:05 04 Dekabr 2020
"Italyansayağı xoşbəxtlik" tamaşası onlayn nümayiş ediləcək
19:30 04 Dekabr 2020
Aydın sabahların dostu
18:56 04 Dekabr 2020
Sirlərin bədii və elmi sərgüzəştləri – Elçin yazır...
18:10 04 Dekabr 2020
Azərbaycanlı rejissor qəhrəmanlarımızdan film çəkmək üçün müraciət etdi
17:35 04 Dekabr 2020
Şəhid dənizçilərə kitab həsr olunacaq
17:10 04 Dekabr 2020
Xudayar Yusifzadə və bütün Şəhidlərimizin ruhuna: Vətən yaxşıdır
16:28 04 Dekabr 2020
"Ulduz" jurnalının yeni nömrəsi Qarabağa həsr olundu
15:46 04 Dekabr 2020
Bizim üçün ölümə gülə-gülə gedən 2783 adam
15:03 04 Dekabr 2020
Günel Eminlinin yeni kitabı işıq üzü gördü
14:19 04 Dekabr 2020
Kamal Abdulla: “Mənim üçün ad günü kədərli gündür” - Müsahibə
13:37 04 Dekabr 2020
Koronavirusa qarşı qələbə vaksini
13:01 04 Dekabr 2020