writer1

Şərif Ağayar

Məqalə sayı

550
clock22:00 calendar-gray 28 Yanvar 2015 view-gray2472 dəfə oxunub
view-gray2472 dəfə oxunub

"Avara şair mən" - Vaqif Səmədoğlu

Vaqif Səmədoğlu ilə şair kimi əsaslı tanışlığım 90-cı illərin sonlarında baş tutdu. Onacan ayrı-ayrı şeirlərini oxumuşdum, ancaq kitabını görməmişdim. Nədən ki, rayonda yaşayırdım və indiki kimi, onda da Vaqif müəllim bölgələrdə elə də məşhur deyildi və yalnızca “Səməd Vurğunun oğlu” kimi tanınırdı. Ancaq o vədələr Bakıda məşhur üçlüyün – Vaqif Səmədoğlu, Ramiz Rövşən və Vaqif Cəbrayılzadənin at oynatdığı vədələr idi. Hamı onları imitasiya edirdi və sanki dünyada bu üç şairdən başqa şair yox idi.

İlk olaraq Vaqif müəllimin “Mən burdayam, İlahi...” kitabını oxudum. Yeri gəlmişkən deyim ki, kitaba Anar gözəl bir ön söz yazıb.

Qəribə kitab idi.

Hər halda mənim o vaxtacan oxuduqlarımdan çox fərqli idi. İntonasiya da, obrazlar sistemi də, yanaşma da, elə şeirlərin forması da! Amma qəribə idi, bu kitabı bağladımmı, yadımda heç nə qalmırdı. Açdımmı, bir də şairin “bəmdən ifalarının” ovsununa düşürdüm. Çox sonralar Vaqif Səmədoğlunun məşhur misraları beynimin künc-bucağında qımıldamağa başladı

Haraya hay verməyib

Dünya gedir kar kimi

Bir kor dəyir divara

Bizim dualar kimi

Vaqif Səmədoğlunun ölümlə, qəbirlə, kəfənlə – bir sözlə simvolik bədbinliklə dolu şeirləri 90-cı illərin məğlubiyyət eyforiyası ilə tam üst-üstə düşürdü. Baxmayaraq ki, şair müsahibələrində özünü 20-ci əsrin əvvəllərinin adamı sayırdı. Əslində haqlı idi bir az da! Çünki inkişaf etmiş dünyanın 20-ci əsrin əvvəllərində keçdiyi torpaq iddiaları və müharibələri biz 90-larda yaşamağa məhkum edilmişdik və əslində Vaqif müəllimin 90-larla səsləşməsinin əsl səbəbi bu idi.

Onun şeirlərini sovet dövründə çap eləmədilər.

Sanki bu şeirlərin zamanının gələcəyini bilirdilər.

2000-lərin əvvəlindən başlayaraq Azərbaycanda yeni ədəbi istiqamətlər formalaşmağa başladı. Bu istiqamətlərin əsas hədəflərindən biri də məhz simvolik şeir və dolayısı ilə Vaqif Səmədoğlu idi. Bəlkə elə bu səbəbdən həmişə gəncliyin və yeniliyin tərəfində olan şair gəncləri müdafiə etmədi, ədəbiyyata münasibətdə həqiqəti deyil, dostluğu, nəsildaşlığı seçdi. Halbuki, onu yaşıdlarından fərqləndirən çoxlu müsbət keyfiyyətləri vardı. Məsələn, sadə adam idi. Atası ilə bağlı tənqidlərə dözümlə yanaşırdı. İctimai fiquru cəmiyyətin açıq müzakirəsinə verməyin vacibliyini anlayırdı. Bilirdi ki, gec-tez bu qiymət onsuz da veriləcək.

Yeni ədəbi tendensiyalar 60-cıları ədəbi gündəmdən əməlli-başlı sıxışdırdı. Vaqif Səmədoğlu da uzun müddət unuduldu. Siyasətə qoşuldu, partiyadan çıxarıldı, millət vəkili oldu, Avropaya konyak içməyə getdi...

Və bir gün, açığını deyim, kəndisini o qədər də sevmədiyim Vaqif Səmədoğlunu Facebookda gördüm. Maraq üçün dostluq göndərdim. Qəbul etdi. Doğrusu, onun Facebook fəaliyyətindəki sadəlik məndə xəyal çaşqınlığı yaratdı. Əvvəlcə hesab etdim ki, o, özü deyil. Yanılmışdım!

Günlərin birində isə, Vaqif Səmədoğlu bekarçılıqdan yazdığım axmaq bir statusa şərh yazdı. Dəli oldum!

Status belə idi:

“Bir sən, bir də mən olaq. İstəsən avara bir şair də çağırım!”

Vaqif Səmədoğlu isə şərhində yazmışdı:

“Avara şair mən! Hara deyirsiz, gəlim”.

İnanın nə yazacağımı bilmədim. Yazdığım statusdan utandım. Düşündüm ki, bəlkə “avara şair” ifadəsi xoşuna gəlməyib. Ancaq az keçməmiş inboxuma yazdı. Salam-sağoldan sonra telefon nömrəmi götürdü və günlərin birində mənə zəng vurub dərdləşmək istədiyini söylədi. Heyif, rayonda olduğum üçün bu görüş baş tutmadı. Gələndə isə, açığı, heç vaxt oturub adi çay belə içmədiyim şairə zəng etməyə utandım.

Sonra isə xəstələndiyini eşitdim!

O, sonuncu dəfə və daha dərindən məni ANS-ə verdiyi müsahibə ilə təəccübləndirdi.

Əlacı olmayan ağır bir xəstəliyə belə ağayana münasibəti təsəvvürümə gətirməzdim. Ölümün üstünə gülə-gülə getmək də mümkünmüş, sən demə! Sözün həqiqi mənasında!

Ancaq, bildiyiniz kimi, bu cür güclü adamlar ən ağır xəstəliklərə də uzun zaman qalib gələ bilirlər.

İnanıram, şairlə oturub dərdləşmək qismət olacaq mənə.

12.03.2013

REKLAM

Yazarın digər yazıları

Xəbər lenti

SSRİ-də yay istirahəti - Nostalji fotolar
21:00 15 İyun 2021
Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021
Öz arvadını söydü, Səməd Vurğunu pislədi, yad qadınla yaxalandı – Hüseyn Arifin heç yerdə yayımlanmayan lətifələri
17:01 15 İyun 2021
Əməkdar artist vəfat etdi
16:18 15 İyun 2021
Bakının yaşı keçmiş ofisiant qadınları: Onları necə alçaldırlar?
15:30 15 İyun 2021
Müğənninin cızma-qarası 281 min dollara satıldı - Foto
14:41 15 İyun 2021
Məşhur bəstəkar vəfat etdi
14:01 15 İyun 2021
Mənə zorla köynək satan qız - Nihat Pir yazır
13:07 15 İyun 2021
Gənc rejissora görə Kürdəxanı həbsxanasına getdi, ən açıq səhnələrə çəkilən aktrisa kimi tarixə düşdü - Onu Təhminə roluna niyə layiq görmədilər?
12:15 15 İyun 2021
Saçım sığalının dadını bilməz...
11:46 15 İyun 2021
Milli Qurtuluş Günü münasibətilə konsert proqramı təqdim edildi
11:22 15 İyun 2021
Cavanşir Yusiflinin ən çox sevdiyi 10 roman - Siyahı
10:58 15 İyun 2021
Heç utanırsan, Ayxan?
10:35 15 İyun 2021
Füzulidə kitab sərgisi açılıb
09:53 15 İyun 2021
Ankarada Yunus Əmrənin 700 illiyi keçirilib
09:47 15 İyun 2021
Azərbaycanlı yazıçı koronavirusdan vəfat edən anası haqda hekayə yazdı – Mətn
09:01 15 İyun 2021
Aşıq Ədalətin oğlu: “İkimiz də ağlaya-ağlaya bir-birimizə baxırdıq” – Müsahibə
21:00 14 İyun 2021
Reza Deqatinin Əfqanıstanda çəkdiyi fotoşəkillər sərgilənib
18:54 14 İyun 2021
"Yüz ilin adamları”: Toğrul Nərimanbəyov – Yeni veriliş
18:33 14 İyun 2021